وجه الفنان مراد مكرم رسالة شديدة اللهجة، إلى كل من يحاول الوقيعة وبث الفتنة بين المسلمين والأقباط، وذلك عبر حسابه الشخصي على موقع التواصل الاجتماعي فيس بوك.
وقال مراد مكرم:”يا مسلمين ، ما تحتفلوش بالكريسماس، ما تعملوش شجر كريسماس في بيوتكم ما تحتفلوش برأس السنة الميلادية.. كل دي بدع، يا ميسحيين ما تحتفلوش برمضان، ما تشتروش ولا تعلقوش فوانيس في بيوتكم، ما تشتروش حلاوة المولد، والأعياد المصرية القديمة زي شم النسيم كفر”.
وتابع؛”ايوا كده الخطوة الجاية بقى يا حلو ما تتعاملوش مع بعض، ما تشتروش من بعض، والخطوة اللي بعديها اكرهوا بعض وولعوها نار، كان غيرك اشطر يا غبي منك له، احنا عايشين مع بعض بقالنا 1400 سنة، بنحب بعض و بنتخانق زي الاخوات ما بتتخانق، فينا الوحش بس الأغلبية حلوة و هم سر تألق مصر مهما حصلها من ظروف”.
واختتم مراد مكرم قائلا:”انتو إلى مزبلة التاريخ، وتبقى مصر قوية بشعبها، مسلميها ومسيحييها ايد واحدة ضد الجهل، والتخلف والغل والعملاء إلى يوم الدين”.
