كشفت الممثلة مي عمر عن الشخصية التي تغار منها في الصغر، وهي العالم المصري أحمد زويل، مؤكدة أنها كانت تطمح إلى أن تحصل على جائزة عالمية مثله.
وقال مي عمر خلال حوارها مع الإعلامية بسمة وهبة، مقدمة برنامج العرافة، الذي يعرض عبر شاشة المحور: “الغيرة شعور إنساني، بغير ممكن من حد عمل حاجة انا معملتهاش وأو نجاح أنا منجحتهوش، أو إنجاز معين أنا لسه متأخرة عليه”.
وتابعت عمر: “كنت بغير ونفسي أبقى زي أحمد زويل وأنا صغيرة في المدرسة، مكنش نفسي أبقى عالمة، كان نفسي أحصل على جائزة عالمية زيه، وكان نفسي أحقق حاجات محدش حققها، كنا بندرسه وعرفنا إنه كان بينام قليل جدا، وبينام في اليوم 4 ساعات، وقلت همرن نفسي إني هنام 4 ساعات، وكنت بذاكر جامد جدا ودحيحة وكنت جايبة 96.5% في الثانوية العامة، وكنت كل يوم بقلل ساعات نومي عشان أوصل لـ4 ساعات، ومعرفتش أوصل لهم”.
واعتبر مي عمر أن التردد أكبر مشكلة تواجهها وتسبب لها مشكلات كثيرة في حياتها، موضحة: “التردد ممكن يعطل نجاح أي شخص، بيخليني مش عارف أتخذ قرارات صح ولا غلط، وممكن أضيع فرص حلوة بسبب التردد”.
