علق المطرب والملحن عمرو مصطفى على إعلان الفنان محمد رمضان حجز رصيده في أحد البنوك التي يتعامل معها.
وكتب عمرو مصطفى عبر حسابه الخاص على “فيسبوك”: “أنا خضت مشاكل كتيرة جدا ملهاش قيمة، في برنامج العرافة رمضان اللي فات، طلعت وقدمت نصيحة لمحمد رمضان إنه يستفيد بتجربتي ويبطل مشاكل.. لكن للأسف النهاردة اتفاجئت إنه بيقحم اسم “مصر” في مشاكله الشخصية، عن طريق محاولة قلب الحقائق بفيديو يخص مشكلته “الشخصية ” في التحفظ على أمواله”.
وأضاف: “غير تلميحاته بأن مصر وأهلها لو محتاجة فلوسي يتفضلوا أنا جاهز!! لا يا رمضان مصر وأهلها مش في حاجة لفلوسك ولا لفلوس أي حد، بعد إذنك حل مشاكلك الشخصية من غير ما تدخل اسم بلدي في أزماتك… والجمهور المصري اللي أنت بتخاطبه بمشكلة شخصية، ده جمهور واعي جداً وينتمي لمصر أولاً قبل محمد رمضان أو أي فنان آخر … (الولاء الأول والأخير لمصر)”.
وأنهى عمرو حديثه قائلا: “وأنا كشخص من القوة الناعمة اللي بتمثل مصر واجبي إني أحذرك من إقحام اسم بلدي في أزماتك، وواجبي إني أغير على بلدي أنا وأي حد بيحب البلد دي”.
