تفحص الأجهزة الأمنية بمديرية أمن القاهرة، فيديو متداول لتحديد مدى صحتة من قيام شخص بإتيان فعل فاضح بإخراج “عضوه الذكري” أمام فتاة داخل سيارة ميكروباص والمعروف بـ”متحرش ميكروباص السلام” وسرعة ضبطه وإحضاره .
كانت قد كشفت فتاة تدعى فاطمة ،عن تعرضها للتحرش داخل سيارة ميكروباص، بعدما أقدم شاب على إتيان فعل منافي للآداب بإظهار عضوه الذكري لها داخل السيارة ثم فر هاربًا بعد استغاثتها من فعلته.
ونشرت الشابة أحداث الواقعة عبر حسابها الشخصي على موقع “فيس بوك” قائلة: “مساء الخير على الشعب المتدين بطبعه اللي بيطلع يبرر للمتحرش أفعاله وخلى الأشكال دي تزيد.. أنا امبارح كنت نازلة وسط البلد وراكبة عربية السلام ولقيت ده فاتح سوستة بنطلونه ومخرج عضوه ولما بدأت أصوره وأنا بزعق وبشتم السواق وقف ونزل بيفهم في إيه قولتله الي حصل راح قالي معلش.. تعالي اقعدي قدام”.
وأضافت: “وأنا بزعق وبقوله لا خده هو قدام واطلع بينا على القسم كان التاني نزل من العربية وجري أصلا أول ما وقفت والناس كلها اللي راكبة محدش فيهم نطق ولا قال كلمه ولا كأن في واحدة بتزعق وتصوت واخدين على أن ده شئ الطبيعي تقريبا مش عارفه إيه اللى إحنا عايشين فيه ده”.
