رد الإعلامي شريف مدكور على الانتقادات التي جاءت له بعد إعلانه عن رأيه في طلب بعض الأشخاص استلاف المال منه.
وظهر مدكور في فيديو بث مباشر عبر حسابه على فيسبوك، وأكد أنه قرر الظهور في بث مباشر حتى لا يقول البعض أنه صور فيديو وقام بعمل مونتاج لكلامه.
الفيديو
https://www.facebook.com/sherif.madkour.9/videos/10158117628323093/?t=0
وأوضح مدكور في الفيديو ما قصده في المنشور، وحكى عن الرسائل التي يتلقاها قائلا: “في ناس كتير هاجمتني والموضوع بقى تريند مع أنه تافه جدا، ومش أول مرة أكتبه، أنا بس عاوز أفهم يعني إيه حد أنا معرفوش يبعتلي يقولي أنا عاوز استلف 100 ألف جنيه، أولا اللي عاوز يستلف عمره ما بيبعت لحد ميعرفوش هيبعت لحد من أهله، وفي حدود في الطلب والسلف”.
وتابع: “أنا شخص صريح في ناس قالوا عني أني قليل الأدب بس دي فلوسي وأنا بشقى فيها، يعني إيه أسلف حد معرفوش، أسلف حد قريبي عارف أن هو هيرجعهولي، يعني إيه واحدة تبعتلي تقولي عاوزة 100 ألف جنيه علشان اشتريت حاجات من ورا جوزي وهتفضح وهديهوملك كمان سنة، ولا واحد يقولي محتاج 6000 جنيه علشان أدفع قسط الموبايل اشتريت ليه الموبايل وأنت مش معاك فلوسة، مش عارف استوعب”.
وأضاف: “في ناس بتقول خسارة فيك الدعاء اللي كنا بندعيهولك، أنا مطلبتش من حد يدعيلي أنا وقت مرضي حكيت اللي حصل والناس المحترمة دعتلي بس محدش يذل حد بالدعاء”.
وأكمل، أنا مأمور في ديني أني أدفع زكاة وأتصدق، مش مأمور أني أسلف ناس إلا لو ناس أعرفها معرفة شخصية، مش طبيعي اللي بيحصل.
واختتم حديثه موضحا أنه يساعد من يطلب مثلا العلاج، ويكون هنك إجراءات يتبعها يطلب تقرير حول العلاج ويذهب إلى المستشفى ويدفع التكاليف.
