حرص الفنان محمد عبد العظيم على زيارة زميله في مسلسل “بـ ميت وش”، الفنان شريف دسوقي الشهير بـ “سبعبع” في المسلسل.
وكشف الفنان محمد عبد العظيم عن تطورات الحالة الصحية للفنان شريف دسوقي، إذ قام عبد العظيم نشر صورة معه عبر صفحته في فيسبوك وعلق عليها قائلا: “سبعبع بخير وماشاء الله معنوياته في السما وبيسلم عليكم جميعا”.
وكان شريف دسوقي كشف موعد خروجه من المستشفى وعودته للعمل خلال مداخلة هاتفية سابقة مع الإعلامي عمرو أديب في برنامج “الحكاية” على قناة MBC مصر، قائلا: “أنا شغال بروفات حاليا، بحضر شغلي دلوقتي، وبيبعتولي الورق بدل ما أنا قاعد في المستشفى عندي وقت كتير. قدامي بالظبط مش أكتر من 25 يوم”.
ووجه شريف دسوقي الشكر لكل من اهتموا بحالته الصحية، وقال: “أنا مش عارف أشكر السيد الرئيس عبد الفتاح السيسي، ولا السادة الوزراء اللي وقفوا معايا، ولا دكتور أشرف زكي. لكن عايز أشكر حد بشكل كبير جدا وهو أستاذ أحمد الجنايني، اللي شالني فعلا. كنت بصور معاه الفيلم ومش قايله إني تعبان، مسابنيش لحظة، اتنقل من مستشفى لمستشفى ورا مني، وكمان الشركة المتحدة مسابتنيش ولا لحظة. من ساعة ما عملت مع حضرتك المكالمة وهما متولين كافة شيء. الحمد لله أشهد إن عندنا طب عالمي.”
ووجه شريف دسوقي رسالة للشباب قال فيها: “كل اللي عايز أقوله لكل شبابنا مفيش حاجة اسمها خلاص خلصت كده، وأيأس وأقعد في البيت وأطول دقني، وأقول خلاص راحت عليا. أنا مكمل وولادي في الوسط عارفين كويس إرادة شريف دسوقي يعني إيه..فعلا الجملة اللي إتقالت في أحد المسلسلات « معندناش حداد » ، إحنا مبنحزنش على حاجة، إحنا شعب مصري كل العالم بيقتدي بيه”.
يشار أن شريف دسوقي خضع لعملية بتر في قدمه بسبب مضاعفات مرض السكري.
