انتشر خلال الساعات الماضية على السوشيال ميديا تسجيل صوتي منسوب لحسين حبيب والد المطرب حسام حبيب، يتحدث فيها عن خطة ابنه للزواج من الفنانة شيرين عبدالوهاب والاستيلاء على أموالها.
وجاء في المكالمة المسربة أن حسام حبيب يتحكم بجميع الحسابات المالية الخاصة بالفنانة شيرين عبدالوهاب، ويسحب ما يشاء من أموالها، ويخطط للزواج من فتاة صغيرة سرا لتحقيق حلم الإنجاب.
وعلى الرغم أن التسريب الصوتي لم يتم التأكد من صحته ونشره إلا أنه تضمن اعترافا من الأب بأن حسام حبيب ووالدته لا يحبان شيرين التي كانت ترغب في الطلاق منه قائلا: “حسام بيدير أعمال شيرين، المفروض أنه يبقى ليه نسبه زي اللي ياسر خليل كان بياخدها”، وتابع الأب: “أنا عارف حسام ابني دماغه سم وهو ذكي جدًا ومش سهل، فأكيد هو في دماغه حاجه ومأمن نفسه”.
وتابع: “شيرين عامله لحسام توكيل بدليل أنه معاه الفيزا بتاعتها وبيقدر يسحب من حسابها، وعارف الرقم السري، بس هو بيروح يسحب الفلوس اللى هو عايزها، وأكد الأب أن والدة حسام حبيب تكره شيرين، قائلا: ايمان أم حسام مش بتحب شيرين، إيمان تنكه، وعامله زي المليونير لما يفلس هي صرفت الفلوس اللى أبوها سابهالها وصرفت فلوس حسام، وشيرين بتبقي عايزة تقولها بتتنكي على أيه يا.. ده أنا عزماكي وهتسافري على حسابي والفندق على حسابي”.
كما تحدث والد حسام حبيب عن رغبته في أن يرزق بحفيد من حسام قائلا: “نفسي يبقي عندي حفيد، وبعدين نفسي أجيب عيل أنا نفسي أخلف أنا كمان”.
وحول زواج ابنه حسام من فتاه أخرى لأجل الأنجاب بدون علم شيرين، قال: “ليه حسام مايتجوزش بالسر مثلا، انا فكرت في خطة حلوة اوي، انا هقوله يجي يتجوز ويخلي مراته عندي، ومايقولش لشيرين ويبقى يجي يقابلها هنا عندي، هو ساعات بيروح يقعد عند امه في الرحاب في التجمع، المهم مرات حسام تقعد معايا هنا، وحسام يبقى رايح جاي من غير ما يقول لشيرين، لما تحمل وتخلف ويبقى عنده عيل فرحان كده بيه عايز يقولها يقولها مايقولهاش هو حر، هو مقتنع بكلامي وهو قالها انه هيتجوز عشان عايز يخلف”.
ورأى والد حسام حبيب أن شيرين سبب في فشل ابنه: “انا شايف ان هي قضت على حسام، يعني من ساعة ما حسام عرفها مش داريان بنفسه، لا نزل اغنية ولا اشترك في فيلم ولا مسلسل، يعني هي سحبت كل وقته وخدت نجوميته وأضافتها على نجوميتها هي، هي داست عليه وطلعت على حسابه هو”.
وأكد والد حسام حبيب أن شيرين لا يمكنها الانجاب لتقدمها في السن قائًلا: “حتى لو مابتخلفش، واحدة خلاص عندها ٣٩ سنة وقربت على ال ٤٠ احتمال الخلف عندها ضعيف وهما بقالهم سنتين اهو ماخلفوش لية، هي سافرت امريكا بس ماقالوش عملوا اية في امريكا، كانت بتعمل رعاية صحية بتعمل تحاليل وبتكشف وبتعمل استشفاء في امريكا او بيسموها check up بتطمن على نفسها، وهو عمل كمان فحوصات عشان يشوف نفسه الخلفة كويسة”.
كما شكك في حب حسام حبيب لشيرين قائلا: “مش عارف هل هو بيحبها بجد فعلا زي ما بيقول كده ولا هو ذكي وعارف ان هي شخصية متقلبة وممكن في اي وقت تطلب الطلاق وكده، هي شخصية بتمل الدنيا ونفسها وولادها، عندها جنون الفنانين ده فاهمة، انا من مصلحته يتجوز بنت صغيرة تخلف له وجميلة وعندها طموح”.
كما سخر والد حسام حبيب من أصل شيرين قائلاً: “تحسي انه هو راقي وتحسي ان هي من بيئة مختلفة مش من نفس البيئة”.
وكانت شيرين عبد الوهاب قد نفت مؤخرا انفصالها عن حسام حبيب عندما نشرت صور رومانسية تجمعهما سويا، لتهنئ حسام في عيد ميلاده.
