كشفت المذيعة مي حلمي، عن دخولها قصة حب جديدة، بعد انفصالها عن المطرب الشاب محمد رشاد، قائلة: “أوعدكم أول ما يجي الوقت المناسب هتفرحوا”.
وقالت مي حلمي، عبر خاصية الستوري على انستجرام: “مش عاوزاكم تزعلوا مني عشان مش هقدر أرد على أي أسئلة بخصوص اللي جاي أو هو مين وإزاي وفين؟ يكفي إني شاركتكم فرحتي من قلبي، ولكن اتعلمت داري علي شمعتك تقيد، بس أوعدكم أول ما يجي الوقت المناسب هتفرحوا”.
ومن جانبه، نفى محمد رشاد، ما تردد على مدار الساعات الماضية، بشأن عودته إلى مي حلمي، مجددًا بعد انفصالهما بشكل رسمي، قائلًا: “هذا الكلام عارٍ تمامًا عن الصحة، العاقل لا يُلدغ مرتين”.
وقال محمد رشاد، على تويتر: “أنا شايف أخبار بتنزل عن حياتي الشخصية ومسيجات بتتبعت لي تسألني هو في عودة ولا إيه، وصحف للأسف بتكتب أخبار كاذبة تمامًا، فأحب أقول لكم بس حاجة لأنكم تهموني وأنتم أسرتي الكبيرة وسندي بعد ربنا سبحانه وتعالي، العاقل لا يُلدغ مرتين، وهذه الأخطاء لا يكررها العقلاء صباحكم جميل”.
وأضاف: “كلمتين لكل حد مهم في حياتي، أنا مش شايف غير شغلي ومستقبلي وأهلي وبس وتاني، رجاء خاص لكل أخواتي وزمايلي الصحفيين ياريت قبل تصدير أي خبر يخص اسمي الرجوع ليا أو لمدير أعمالي وبالنسبة للمتابعين اللي بيدخلوا عشان يوجهوا شغلي لحد معين أو بيتابعوني عشان يتصيدوا أخطاء ياريت يلغوا المتابعة أفضل”، وتابع: “لا فكرت ولا عمري هفكر، صفحة واتقفلت ووقعت من حياتي، كفاية بقى رغي في الموضوع ده”.
