كشفت المذيعة أسما شريف منير عن تراجعها عن نشر أي صور تظهر فيها بملابس مكشوفة، موضحة أنها حذفت صورة نشرتها مؤخرا، بعدما شعرت أن الشيطان تغلب عليها.
وقالت ابنة الفنان شريف منير، عبر إنستجرام: “مسحت الصورة اللي فاتت و قلت أنزل دي بس عشان ساعات شيطاني بيغلبني زي باقي البشر”.
View this post on Instagram
وتابعت: “وساعات بحس بالذات بعد ما خسيت أني عايزه ألبس لبس حلو وبناتي كده وأفرح أني بقي شكله حلو عليا، بس الصح صح مش هقاوح، أنا أصلاً مش بحب ألبس لبس مكشوف في العادي بس انجرفت ورا الدنيا اللي مش باقية”.
وأضافت أسما شريف منير: ” فا هقاوم الإحساس ده هركز مع نفسي وفي لبسي أكتر وهحاول أنقي لبس يكون معتدل، وحلو عشان أشجع نفسي والبنات اللي يتابعني أنهم يلبسوا لبس حلو في نفس الوقت مش مفتوح”.
وأكملت: “مش عيب أن الواحد يعترف بغلطه وطول الوقت يحاول أنه يبقي أحسن، وبشكر المتابعين اللي لفته نظري بطريقة ذوق”.
وأنهت حديثها بقولها: “كل سنة وأنتم طيبين وحبايبي ودعمي، ربنا يفرح قلبنا كلنا ويهدينا بحبكم”.
