كشف الممثل خالد النبوى أن سيناريو موقف والده من دخوله مجال التمثيل، تكرر بينه وبين نجله نور الذي شارك في رمضان الماضي بمسلسل الاختيار 2.
وفي التفاصيل، قال النبوي خلال لقائه في برنامج “مساء dmc”، الذي يقدمه الإعلامي رامي رضوان: “الأقدار عملت معايا اللى عملته مع أبويا، مكانش عايزنى أمثل، وأنا كمان مكنتش عايز ابنى يطلع ممثل، وسافر خارج مصر للدراسة وراح يشتغل فى دار عرض سينمائى بليل، وراح أقدم لدراسة التمثيل فى أمريكا وقبلوه”.
وتابع: “أبويا رفض أمثل لكن جه اتفرج عليا فى معهد الفنون المسرحية اطمأن، وده نفس اللى حصل لى مع نور، فى مشهد استشهاد أحمد شوشة في مسلسل الاختيار، شفته اطمنت”.
كما سرد النبوي ذكرياته مع العيد حين كان طفلا قائلا: كنت لازم أروح لجدتى عشان آخد العيدية وإحنا فى المنصورة، وكنت ألف على العيلة كلها، وأحب أنزل أطير الطيارة الورق، وممكن أروح السينما أتفرج على فيلم.
وتابع: “أبويا الله يرحمه كان بيودينا حديقة الحيوانات وكان شىء عظيم منه لأننى انبهرت، لذلك من المهم للأجيال الصغيرة أن نخلق لهم حالة من الدهشة.
وأضاف: “أنا مفتقد جدا أشترى هدوم جديدة فى العيد، صحيح بشترى طوال السنة مع كل فيلم، لكن لبس العيد إحساس تانى خالص”.
