أعلن المطرب سعد الصغير، تبنيه لطفلين مشردين، بعد أن وجدهما فجأة خلال جولة له في شوارع الإسكندرية.
ونشر سعد الصغير مقطع فيديو عبر فيسبوك ظهر فيه وهو يتواصل مع جمهوره، ليلاحظ وجود طفلين نائمين في الشارع، فتوجه ناحيتهم دون تصوير ملامحهما ليتحدث معهما عن سبب نومهما في الشارع، واكتشف الصغير أن الطفلين في الشارع بسبب انفصال والديهما، وأنهما يعيشان في الشوارع منذ ما يقارب العام ونصف العام.
وقرر الصغير تبني الطفين “محمد ويحيى”، وقال خلال في الفيديو: “دول بقوا والدي”، ووجه رسالة إلى والدهما: “يا عم أبو يحيى.. ابنك بعيط يا جدع.. بقلك حرام عليك.. يا أبو محمد ابنك بعيط.. ابنك بقاله سنه ونص بالشارع.. إيه يا عم إنت جاحد.. ليه كده يا عم.. أنا مش حجيب اللوم على الأم.. الأم ليها جوز بيحكمها.. مهما كان هي ست ضعيفة.. إنت راجل بقا.. يا عم هم مش عايزين منك حاجه.. إسال عليهم بس”.
وتابع سعد الصغير: “يا أبو يحيى ولادك عندي.. ولما قلبك يحن هم موجودين عندي.. طبعا أنا العبد لله.. اسمي سعد الصغير.. اسمي سعد محمود حنفي”.
ورد سعد الصغير على الانتقادات التي طالته، فقال: “والله ياجماعه مش بتاع شو انا او اي حاجة الواحد بيعمل علشان خاطر ربنا مش اكتر والواحد ربنا يكرمو بس ياريت لو مش قد العيال بلاش تجبهوم احسن ليه تعمل في طفل كدا ولسه مشفش الدنيا ربنا بيرحم بس ياريت اي حد يشوف حالات زي دي يبعتلي علي الصفحه وربنا يكرم ان شاء الله.. هتساعد هتنجح ربنا هيكرمك طول مانتا معا ربنا متشغلش بالك بحد ربنا يكرمنا ويكرمكم جميعآ”.
