اتهم وليد طلبة شقيقته الفنانة الكوميدية بدرية طلبة بتزييف موته في كتب كتاب ابنته، كما طلبت من الجمهور الدعاء له رغم أنه على حي يرزق.
وكتب وليد عبر حسابه على موقع فيسبوك للتواصل الإجتماعي : “يا جماعة الفنانة بدرية اللي كانت المفروض اختى منزلة نعي عني أنى أتوفيت والمفروض اللي في النص دي كانت بنتي، وعشان رفضت أروح كتب كتابها النهاردة طلعوا عليا شائعة الموت بجد حسبى الله ونعم الوكيل فيكم”.
وأردف وليد طلبة: “أنتم كلكم ميتين بالنسبة لي من سنتين لما سبتوا البيت ونزلتوا الساعة 2 بالليل، جايين دلوقتي تحتاجولي في كتب الكتاب، أنا يا جماعة مليش عيال وعيال مين اللي يعلقوا على شائعة على أبوهم أنه مات والله يرحمه وأنا على وش الدنيا.. عيال مين اللي أروحلهم تاني أنا خلاص ماليش ولا عيال ولا أهل وأخوات”.
وتابع: “وأنتِ يا فنانة بدرية ميتة بالنسبة لي من زمان.. وإن شاء الله اللي قولتيه عليا بالكدب هيتقال على جوزك يوم فرح بنتك بالصدق انشاء الله.. وانتظروا مني أحلى مفاجآت ليكم يا اللي المفروض كلكم أخواتي ومن بطن واحدة انتظروا مني أحلى مفاجآت للكل وأنتو اللى بدأتوا الحرب معايا”.
ولم ترد الفنانة بدرية طلبة على ما كتبه شقيقها حتى الآن لتوضح لجمهورها حقيقة الأمر.
يذكر أن آخر أعمال بدرية طلبة كان مسلسل “اللي مالوش كبير” من بطولة النجمة ياسمين عبد العزيز وزوجها الفنان أحمد العوضي وخالد الصاوى ودينا فؤاد وإيمان السيد وهو من تأليف عمرو محمود ياسين وإخراج محمود فكري.
