قال الفنان القدير فاروق فلوكس، إنه سعيد بالتكريم الذى حصل عليه من قبل القائمين على المهرجان القومى للمسرح فى دورته الـ14، وذلك تقديرًا لمسيرته الفنية ومنها المسرحية والتى امتدت لأكثر من 60 عامًا.
وتابع فلوكس: “سعيد بالتكريم جدا، لأنه بعد 64 سنة كفاح فى عالم الفن، والمسرح خاصة ده يعتبر تكريم لنهايات حياتى، أولا لأنى مش صغير، كمان لأنى وسط أصدقائى”.
ومزح فاروق فلوكس: “أنا صحتى زى البمب، شوية متاعب فى المرارة، شوية متاعب من حاجة اسمها جرثومة المعدة، وشوية متاعب فى الكلى، وشوية متاعب فى الغليظ، شوية متاعب فى القلب، أوعوا تصدقوا إنى أنا عندى حاجة، زائد شوية متاعب فى عينيا، ومش بعرف اقرأ ولا أكتب، مش مشكلة، أنا الحمدلله صاغ سليم، وبمشى بعكاز”.
