وجهت الفنانة رانيا يوسف رسالة إلى الفنانة إيمي سمير غانم، رداً على الرسالة التي نشرتها مؤخرا بوالديها الراحلين الفنان سمير غانم ودلال عبد العزيز.
وردت رانيا ياسين على إيمي سمير غانم قائلة لها: “قلبي عندك، بس مع كل أسف كل وقت بيمر الوجع بيبقي أكبر مش بيقل زي ما بيقولوا وللأسف احنا حتى لما بنحاول ننسى ولو شوية مش بنعرف لأن أبائنا موجودين معانا طول وقت في حب الناس والتلفزيون والأفلام والسوشيال ميديا”.
وتابعت رانيا ياسين قائلة: “للأسف حتى محاولات النسيان ولو شوية بتبقى صعبة أوي الله يقويكم ويقويني..الله يرحم مامتك وباباكي وابويا ويسكنهم فسيح جناته في الفردوس الأعلى يارب”.
وكانت إيمي سمير غانم وجهت رسالة حزينة عبر انستجرام قالت فيها: “كل لحظة بتمر عليا شايفاكوا قدام عيني وانتوا بتتألموا وأنا ودنيا مش عارفين نعمل حاجة.. الحمدلله الحمدلله الحمدلله.. بس أنا مش عارفة اكون تمام، كل وقت بيعدي كنت فاكره هكون أحسن، بس الحقيقة إني أوحش من الأول”.
وتابعت: “وكل حاجة عملتها بس مش بهدا، الحمدلله على نعمة الصلاة والتسبيح والدعاء أكيد، بطلب من كل اللي بيحبني يدعيلي أكون كويسة واصبر أكتر من كده.. والحمد لله على أي ابتلاء أنا راضية”.
