كتبت: هبة محمد
علق الرئيس عبد الفتاح السيسي على حادث تصادم قطارى سوهاج قائلا: “حادثة القطر اللى وجعتنا كلنا.. ولكن هي عاملة زى ما كلنا بنودب بيوتنا.. وساعات بنودب بيت جديد.. واللى بيكون قاعد في شقته وبيودبها غير اللى بيكون بيودب بيت جديد.. والالفين كيلو بتوع القطار السريع محدش هحس بيهم”.
وأضاف الرئيس السيسي: “التطوير على الشبكة القديمة بنعمله في نفس الوقت عاوز الناس تتحرك على السكة الحديد.. مش تقدر تقول للناس استحملوا لحد لما نخلص.. ولما نعمل ده هيحصل تأخير.. لازم نستحمل.. البديل ايه.. انا بوضح ليكم.. الأنظمة الحديثة قادرة على التأمين في السكة الحديد.. والحتت اللى مش اتطورت العامل البشرى لسه بيدخل وممكن يحصل مشكلة”.
جاء ذلك خلال مؤتمر صحفي عالمي بهيئة قناة السويس بشأن أزمة السفينة الجانحة بقناة السويس.
وقال الرئيس السيسي: “لدينا خيارات للتعامل مع تطوير السكة الحديد بشكلها الحالى.. أما التوقف النهائي أو النسبى أو تفضل زى ما هي ونتحمل الخسائر.. مش أقدر اتحمل الخسائر.. ساعة لما المشروع بشكل كامل يخلص أسالني مسألة سياسية وفنية لما المشروع يخلص.. ومشروع النقل يتكلف 100 مليار دولار”.
