علق الفنان محمد هنيدي علي حادثه وفاة الطفل المغربي ريان الذي سقط في بئر عمقها 35 متر
وقال في تدوينه علي صفحته علي فيس بوك :بعد وفاة ريان انتشرت بعض البوستات عن انك ماتتعلقش بأي أمل .. النوع ده خطر جدا … هيخليك زي الطوبة مالكش طموح ولا احلام ولا امال … بعد عن ربنا كبير … جايز ربنا مدلناش اللي عايزينه .. بس اللي حصل الأيام اللي فاتت … اننا كلنا اتجمعنا وتابعنا قصة انسانية لطفل برئ ع الشاشات وقنوات بتبث ٢٤ ساعة وكله قلبه موجوع عليه … علامة كبيرة جدا ان ربنا كان عايز يقولنا ايه .. طفل صغير نسانا اي خلافات او اختلافات . وروحه هتفضل مفكرانا دايما بده .. اننا كلنا واحد ..
اوعوا تفقدوا الأمل في ربنا ..
وقال في تدوينه ثانيه :الايام الاخيرة اللي عاشها من خوف ورهبة ووحدة وجوع وعطش .. في ظلام دامس لوحده وهو بيتألم .. أصعب شئ في القصة .. كان نفسنا ترجع لأهلك ولينا وتشوف الملايين اللي مستنينك تخرج بالسلامة.. ان شاء الله تكون شفيع لأهلك يوم القيامة .. مش هننساك
وكان هنيدي كتب :البقاء لله … ربنا يرحمك يارب .. المعاناة اللي عشتها اخر ايام كانت رهيبة .. البقاء لله البقاء لله البقاء لله
تعليقات الفنان محمد هنيدي بعد وفاة ريان
