كشفت الفنانة هيفاء وهبي عن لون بشرتها وقالت انها سمراء
وقالت ان الحملة التي تعرضت لها على السوشيال ميديا بعد صورتها في موسم الرياض، مخطط فاشل هدفها التقليل وإفساد صورتها أمام جمهورها.
وأضافت في مداخلة هاتفية مع برنامج القاهرة اليوم: «أنا لوني الحقيقي أسمر، فالسمار ليس عيبًا، هو فعلًا فيه كدا؟ هو فيه أحلى من السمر؟ أحلى ناس في العالم السمر».
وتابعت: «أنا سمرا، أنا وحشة، شكرا يا عم، أنا طلعت على المسرح وأثبت للكل أن من وراء هذه الحملة أشخاص كذابين، وبيغاروا من النجاح، فالشخص اللي صالب على طوله وناجح بتغاروا منه».
وأردفت: والشخص الفاشل تتركوا لحاله لأنه لا يؤثر عليكم، في ناس كده، يعني إيه سمراء؟ أنا مبسوطة بسماري، إيه العيب في كده؟ إيه المشكلة؟ في الآخر دي صورة لا راحت ولا جت، فين العيب؟ العيب لو عملنا حفلة فاشلة، إيه العنصرية دي ؟! «
وطالبت الفنانة هيفاء وهبي بقوانين منظمة للسوشيال ميديا وذلك بعد حملة التنمر التي تعرضت لها مؤخرًا حيث طالبت بربط الحسابات الشخصية على الفيس بوك وتويتر بالبطاقة الشخصية.
وأَضافت : «لازم يكون فيه قوانين منظمة للسوشيال ميديا، اللي عايز يفتح أكونت يفتحه بالبطاقة الشخصية، عشان لما يحصل إهانة شخصية أو أي شئ خارج عن القانون يسهل محاسبته».
وتابعت: «لكن لما يكون اسم الأكونت» أبونونة، أم سوسو«أنت مش عارف مين الأسماء دي، فلازم ربط الحسابات الشخصية بالبطاقة».
كما وجهت الفنانة هيفاء وهبي رسالة إلى الفنانة يسرا اللوزي بعد التنمر عليها حيث قالت :«ربنا يحفظ بنتها وأكيد ربنا أعطاها أحن أم في العالم عشان متوصلهاش ده، وده مش عيب لأن أكيد الانسان اللي عنده مشكلة في حياته يمكن يكون أحسن من 100 حد بيتنمر».
وتابعت:«المهم ميأثرش هذا الأمر على البنت ولا على والدتها، فهي فنانة محبوبة جدًا، فأنا بعزها وبحبها وربنا يحمي بنتها».
