كشفت الفنانة عفاف شعيب كواليس حياتاها الفنيه وسبب ارتدائها الحجاب وعلاقتها مع الشيخ محمد متولي الشعراوي وسبب الهجوم علي شهيره وسهير رمزي وحلا شيحه
وقالت في لقائها مع الإعلامي عمرو الليثي في برنامج واحد من الناس على قناة الحياة: أنها لم تهاجم الفنانات شهيرة وسهير رمزي وحلا شيحة في المطلق، ولكنها حزنت عليهن «عندما خلعن الحجاب».
وأضافت «أنا مهاجمتش، وزعلت عليهم فعلأً، ودعيت لحلا شيحة: اللهم ما ردها إليك ردًا جميلًا، وردها وارتدت الحجاب مرة أخرى».
وتابعت: «أنا مقولتش حاجة تسئ لهم، أنا قولت الناس حباهم بالحجاب، وكمان متجوزين، ومفيش حاجة تعوقهم يخلعوا الحجاب، وزعلت لأن كل واحدة فيهم أكثر من عشرين سنة محجبة، طيب ليه يضيعوا التاريخ ده كله؟، ده بس اللي زعلني لكن هما حريين، كل واحد حر».
وأردفت: «أرفض التمثيل بالباروكة، صعب جداً، طيب ليه باروكة؟ ما تغير الدور وتبقى بحجابها، إيه اللي يمنع؟ ليه الباروكة يعني؟».
كشفت الفنانة عفاف شعيب عن تعرضها للسحر مرات كثيرة جدًا وكانت تتحصن بآية الكرسي في القرآن الكريم.
وقالت «اتعمل لي سحر كتير جدًا، وكانت أمي الله يرحمها تقولي خليكي متحصنة بآية الكرسي، فهي بتمنع أي شر».
وتابعت: «وكان دايماً الشيخ الشعراوي يقول لي، خلي لسانك عامر بذكر الله، وبأيات الله، أوعى لسانك يبعد عن ذكر الله».
واستطردت: «ولاد الكار ممكن يسحروا لبعض، واللي سحرت لي من داخل الوسط الفني، وفيه برضه من خارج الوسط الفني، وبحس بالسحر وأنا نايمة بشوف رؤى كده، بقول فيه حاجة مش طبيعية»
وأردفت: «لي ورد يومي كل يوم قبل مانام، وأما تكون كل يوم مع ربنا، ربنا بيكشف الحجب وتلاقي كل حاجة ربنا كشفهالك، والعمل كان غرضه مشتغلش وأكون مكتأبة، وحزينة، وذات مرة واحدة قالت لي أنتي بتعملي إيه في وشك؟ أنتي على طول شابة وصغيرة، وما فيه ثواني إلا ولاقيت وشي ورم قد كده».
كشفت عن كواليس اعتزالها وارتداء الحجاب، مؤكدة أن الموضوع بدأ مع الفنانة هالة فؤاد التي اقنعتني بحضور جلسة دينية ومن بعدها قررت اعتزال التمثيل وارتداء الحجاب.
وأضافت : «وقتها طلبت منها الفنانة هالة فؤاد حضور جلسة دينية، وذهبت معها كذا مرة، ومن وقتها شعرت بالرغبة في ارتداء الحجاب والابتعاد عن التمثيل».
وتابعت: «اتحجبت في سنة 1992، وبعد ما تحجبت وكنت عايشة مع أمي وأخويا في أمريكا، كنت مرافقة لأمي في علاجها في أمريكا، فلما نزلت مصر حسيت بوحدة، وفي الأول رفضت أمثل بالحجاب، ولما لاقيت فيه إصرار، سألت الحاجة ياسمين الخيام وهي حبيبة الكل، وقولت لها :» أنا متحيرة ومن ساعة ما فقدت أمي وأنا حاسة بوحدة فظيعة جدًا، فقالت لي :«ماتحتريش في أمرك، تعالي أخدك عند مولانا الشيخ الشعراوي»، فروحناله في السيدة نفيسة، وأول ما شفنا رحب بينا جدًا».
وتابعت: «قولت له أنا محتارة في أمري، وطاليين أني أطلع بالحجاب، فالي وماله ما تطلعي بالحجاب، مانتي طلعتي في الشهد والدموع وأنتي رابطة الطرحة على دماغك، فاطعلي طالما هتقولي كلمة طيبة وربنا يرضي عليكي يا بنتي».
كشفت الفنانة عفاف شعيب كواليس مشهدها الشهير في مسلسل «الكيف»، مؤكدة أنها أحبت الدور.
وأضافت : «مشهد الادمان في الكيف مع باسم سمرة أصبح تريند، والناس عاجبهم المشهد جدًا».
وتابعت: «مزعلتش من الهجوم اللي كان عليا بسب المشهد ده، وأنا حبيت الدور لأنه كان قصة حقيقية لوالدة مذيع كبير، قالي بعد ما شاف المسلسل أن دي قصة حياة أمي».
وأردفت: «حصل معاها نفس المشهد، الخدامة قالت لها خدي ترامادول، وولادها اكتشفوا، وودوها مصحة لعلاج الادمان بعد كده، وبرضه رجعت للادمان بعدها ومبطلتش».
