كشفت الفنانة التونسية فريال يوسف،كواليس حياتها الشخصيه وسر طلاقها بعد عقد القران واسباب حاله الصرع التي تنتابها
قالت «يوسف» خلال حوارها ببرنامج «الستات» على قناة «النهار»، تقديم الإعلامية مفيدة شيحة، والإعلامية سهير جودة، اليوم الأربعاء: «مكنش فترة تعارف، واتسرعت في الموافقة على الزواج، لكن بعد ماركزت معاه وسألت عنه عرفت معلومات مش كويسة».
وأضافت: «كنت مشغولة في مسلسل خاتم سليمان، وبعدها لم فضيت وعرفته كويس، اكتشفت حاجات تخلينا منقدرش نكمل مع بعض».
وتابعت «يوسف»: «موضوع الزواج كان رد فعل، كان في بيحبي جدا وقلت له مش هينفع نكمل، لأننا مش هننفع مع بعض، فوافقت على الزواج من الشخص الآخر كرد فعل على هذه القصة، ولكن اكتشفت أشياء عنه كانت سببًا في طلب الطلاق بعد كتب الكتاب وقبل الزواج مباشرة».
وأكملت: «عايزة ألاقي الشخص اللي يستاهل قلبي، ويكون توأم روحي، لأن معندناش في العائلة فكرة الطلاق، أبويا وأمي متجوزين من أكتر من 50 سنة».
كشفت الفنانة التونسية فريال يوسف، تفاصيل حادث سقوطها من أعلى حصان، والتي أبعدتها على الساحة الفنية لفترة علاج.
وقالت إنها سقطت من أعلى حصان، وعانت من عدم القدرة على الحركة.
وأضافت: «أي حركة كانت بتعملي حالة صرع لمدة 10 ثواني، وبعدها سافرت ألمانيا لتلقي العلاج».
وتابعت «يوسف»: «بعد ما خرجت المستشفى بشهرين، كنت موقعة فيلم محمد حسين، ورغم عدم اكتمال شفائي التزمت بالتعاقد، كنت باخد أدوية عشان أقدر أفرد نفسي».
وعن حياتها الشخصية، قالت: «أنا ادلعت كتير في حياتي، لكن مقدرش أحكي تفاصيل الصراحة، لأن الرجالة دلوقتي متجوزين».
وأضافت: «عشت مواقف كتير حلوة، اتقدرت وحبيت واتحبيت، واللي حبوني قوي أنا متجوزتهمش، بسبب الظروف، وأنا ست بحب الحياة والانطلاق والمرح».
وتابعت «يوسف»: «عايزة ألاقي الشخص اللي يستاهل قلبي، ويكون توأم روحي، لأن معندناش في العائلة فكرة الطلاق، أبويا وأمي متجوزين من أكتر من 50 سنة».
