علق الفنان محمد رمضان علي الانتقادات الموجهه له بسبب ارتداءه للملابس العاريه في الحفلات
أكد أنه يرتديها في الحفلات فقط وليس في الحقيقة.
وأضاف في لقاءه مع الإعلامية منى الشاذلي في برنامج معكم منى الشاذلي على قناة cbc :«مبلبسش الحاجات دي في الحقيقة، فعمري ما لبست فرو ومشيت في شارع جامعة الدول، فالحفلات بتطلب جزء من الشو والبهرجة الزيادة، لكن في الحقيقة بلبس بسيط جدًا».
وأردف:«لبسي شبه كل الشباب، ومعايا فريق متخصص في موضوع اللبس وأنا ماشي بمبدأ كل ما يعجبك والبس ما يعجب الناس، فلو عندي ايفنت في افريقيا، بقول الاستايلست بتاعي :» عايز ألبس لبس يناسب الجمهور الافريقي«، حفلة في المغرب يكون الاستايلست مغربي فالملابس تكون فيها لمسة مغربية».
واستطرد:«لو عامل حفلة في أمريكا، هلبس بستايل التريند والموضة عندهم في أمريكا عشان ميبانش فيه فجوة كبيرة».
تابع: «معايا تيم بيختار لبسي حسب كل إيفينت بروحه، يعني لو عندي إيفينت ليه علاقة بإفريقيا بيبقي معايا ستايسلت إفريقي، لو حفلة في المغرب يبقي ستايلست مغربي وهكذا».
وأضاف أنه يضع نفسه مكان الجمهور في بعض المواقف، قائلًا: «أنا بعذر الجمهور برضه، لما انتقدوا أغنية «نمبر وان» حطيت نفسي مكان الجمهور أو الزملاء وقلت لو صحيت ولقيت لحد بيقول كده هزعل واتضايق طبعا».
وتابع: لو لقيت مغني بيقول أنا في الساحة واقف لوحدي، أنا كمحمد رمضان الإنسان لو شوفت محمد رمضان بيقولي أنا نمبر وان هزعل جدًا».
وأردف: «حبي للتمثيل معرفش جالي منين، ولما دخلت معهد التمثيل عرفت أن فيه حاجة اسمها الذاكرة الانفعالية، وهي زي الكاميرا وبتطلع في مشهد أو حدث، وده كان بيحصل وأنا طفل، كنت بلقط حاجات كتير بشوفها في الشارع، فقلت (أمي لمست وأنا صغير أن عندي ملكة وموهبة ما)».
في بداية الحلقة، وجه رمضان رسالة بمناسبة العام الجديد، قائلا: «بقول لسنة 2022 اللي فات بلطي واللي جاي جمبري إن شاء الله».
في نفس السياق، أكد محمد رمضان أنه كان يحلم بهذا اللقاء منذ سنوات طويلة، قائلا: «من وأنا صغير كنت شايف حلمي ومصدقه وعلى يقين إن كل المعاناة دي هقعد أحكيها قدام أهم إعلامية في مصر.. القعدة دي أنا تخيلتها وأن قاعد على رصيف ومستني منتج عشان الأمن رفض إني اطلع له».
