تحدث الفنان خالد محمود عن أسباب رفضه تقديم مشاهد القبلات في أعماله الفنية، وذلك خلال لقائه مع الإعلامية ياسمين عز، في برنامجها كلام الناس، المذاع عبر شاشة قناة mbc مصر.
خالد محمود
وقال خالد محمود في برنامج كلام الناس مع ياسمين عز: “أنا ضد البوس في الأفلام عشان مغضبش ربنا، واللي يخلي مراته تتباس في السينما يتحمل”.
الفنان خالد محمود
وتابع: “أنا عمري ما تدخلت في حياة حد وكل واحد مسئول عن اختياراته وبالبلدي كل واحد عقله في رأسه يعرف خلاصه، وأنا مش هعدل على واحد أو واحدة خدت قرار في حياتها وشايفينه صح”.
وأوضح خالد محمود، إنه رفض تقديم مشهد قبلة في أحد أفلامه خوفا من تحمل ذنب المشاهد، وتابع:”أنا مؤمن بالسينما النظيفة تماما، وأنا تعرضت لها في أحد الأفلام أن المخرج كان عايزني أبوس البطلة، فسألته إيه لازمة البوسة؟ أنت ممكن تعوض المشهد بالكاميرا بطريقة معينة، وهو كان مصر وأنا رفضت تماما والحمد لله صورنا من غير المشهد”.
وأكمل خالد محمود حديثه قائلا:”قولتله في النهاية المشهد مش هيضيف وبلاش تخليني ألعب على الغرائز وأشيل ذنب ووزر حد في حاجة حرام”.
