في اول رد فعل من الكابتن محمد بركات المشرف علي المنتخب الاوليمبي علي رحيل عضام الحضري مدرب حراس المنتخب الاوليمبي المفاجيء
قال بركات في تصريحاته عبر برنامج الريمونتادا على قناة المحور: “تعيين عصام الحضري في منتخب سوريا مفاجأة بالنسبة لنا في اتحاد الكرة”
وأضاف: “عصام الحضري اتصل أمس بخالد سرحان المترجم الخاص بميكالي مدرب منتخب مصر الأولمبي، وطلب مقابلة مع ميكالي، واتفق بالفعل على مقابلة ميكالي ومعاونيه” .
وواصل: “عصام الحضري قال لميكالي إنه عنده عرضين مش عرض واحد ويريد يخوض تجربة جديدة وإنه أخذ قراره، بعد محادثات مع زوجته، ميكالي وجه له سؤالا، هل اتكلمت مع المسؤولين أو مع محمد بركات كمشرف على المنتخب، قاله ما أنا جايلك عشان تتكلم مع كابتن محمد بركات، عشان تنقل له رغبتي” .
وتابع: “الموضوع ده غريب جدا، عصام الحضري رايح لميكالي يقوله كلملي بركات، في ظل عمق العلاقة بيني وبين عصام الحضري، مع إننا على طول بنتكلم، ما ترفع سماعة التليفون وكلمني، الموضوع غريب جدا” .
واختتم: “طلبت إني اقعد مع عصام الحضري لكن بكرة مش انهاردة عشان كنت مرتبط بمواعيد وفوجئت إن اليوم الاتحاد السوري أعلن بشكل رسمي عن تعيين الحضري”.
وقال أن عصام الحضري مدرب حراس مرمى منتخب مصر الأولمبي السابق لم يستأذن أي مسؤول داخل اتحاد الكرة قبل تعيينه في الجهاز الفني لمنتخب سوريا.
وأضاف:”عصام الحضري مستأذنيش أو استأذن أي حد من اتحاد الكرة، قبل ما يمشي من المنتخب الأولمبي”
وأضاف: “الشهر الجاي عندنا ماتشين مهمين ضد زامبيا، والحضري مشي في توقيت حاسم، توقيت رحيل عصام الحضري مش كويس، هو قيمة كبيرة وأسطورة من أساطير مصر وأفريقيا على مستوى مركز حراسة المرمى ومحدش ينكر ده، لكن طريقة الرحيل وحشة”
شاهد :
