وجهت الفنانه سميه الخشاب عده نصائح للسيدات للعيش حياه سعيده
دعت «الخشاب» السيدات إلى الاهتمام بنفسها وتدليلها، متابعة: «أنا بحب نفسي وبدلعها، وبعمل ماسكات لشعري وبلعب مع القطة بتاعتي، ومؤخرًا بعشق القطط».
وأضافت: «بقول للناس هاتوا قطط، واضربوا عصفورين بحجر، يبقى تبنيتوا قطة من الشارع، وكمان هتعملكوا طاقة حلوة في البيت لأنهم بيمتصوا الطاقة السلبية».
وأكملت: «لو زهقانة أو تعبانة وحضنت قطة هتلاقي نفسك ضحكتي، ولو عيانة هتخفي، لأن القطط بيصدروا موجات تمتص أي طاقات سلبية، اللعب مع الحيوانات بيخلي الست أسعد واحدة في الدنيا، ميقلوش عن الأطفال».
وقالت، إن الحب لا يقتصر على العلاقة بين الرجل والمرأة فقط، مشيرة إلى أن المرأة بإمكانها أن تحب ذاتها، وتشكر الله طوال الوقت على كل النعم التي أنعم الله بها عليها.
وأضافت خلال مداخلة هاتفية لبرنامج «الستات»، مساء اليوم الإثنين،: «مش لازم نعلق سعادتنا وفرحتنا بوجود حد في حياتنا، لو مش موجود أنا أقدر أسعد نفسي وأقدر أحب كل حاجة حواليا».
وأضافت : «انا ادلع نفسي بنفسي، ولو هجيب هدية لنفسي هتبقى بيجامة عشان الجو البرد، أو برفيوم، أو أي حاجة نقصاني هتخليني فرحانة ومبسوطة، ايه المشكلة يعني، الحياة بسيطة أوي، متوقفوش سعادتكم على حد، حبي نفسك وهادي نفسك، وانبسطي».
نضائح للسيدات
ووجهت سمية الخشاب نصيحة للسيدات، قائلة: «الست لازم تبطل تفتش ورا جوزها، لان الراحل لو عايز يعمل حاجة هيعملها، بلاش تشغلي نفسك وتنحري نفسك، وقلبك يتوجع، هو لازم يبقى بيحبك من نفسه وبيثق فيكي وبتثقي فيه، متشتغليش ضابط مباحث أو وكيل نيابة أو محقق على جوزك، انتي كدة بتضيعي طاقتك وهتتصابي بالامراض، ليه كل دة وعشان مين، وفري المجهود دة لنفسك، وفكري ازاي تسعديها».
وتابعت: «اتفرجي على فيلم جميل، واعملي فشار، روحي اعملي ماسك لوشك واهتمي بجمالك»، مشيرة: «انا بهتم بنفسي وبدلعها، وبمتن لربنا، واعمل ماسكات لشعري، والعب مع القطة بتاعتي، انا بقيت بحب القطط مؤخرا وبعشقهم، اتبنوا قطط يا جماعة، دول بيمتصوا الطاقة السلبية من البيت، بيصدروا موجات بصوتهم وبيمتصوا بيها أي طاقات سلبية، اللعب مع الحيوانات زي القطط والكلاب بيخليكوا اسعد ناس في الدنيا».
قالت الفنانة سمية الخشاب إن فيلم تيتانك يحرك مشاعرها، مشيرة إلى أنها مع كل مرة تشاهد الفيلم لا تستطيع تمالك دموعها.
وأضافت الخشاب أن الفيلم يحكي قصة حقيقة حدثت بالفعل.
وتابعت: «ممكن حد يضحي بحياته لو فيه حب حقيقي، وساعات الحب بيبقى جنون، واللى يحب حد ممكن يعمل أي حاجة علشان يسعده ويضحى بحياته علشانه».
وأكملت: «أنا برج الميزان، وأصحاب البرج ده نحانيح أوي في الحب ويموتوا في الرومانسية وبيحبوا يسعدوا الإنسان اللى بيحبوه على حساب نفسهم، ولكن لما يحسوا إنه مش بيقدر، بينقلبوا عليه».
