وجهت الإعلامية ياسمين عز نصائح جديدة للفتيات والسيدات قائلة: “في فترة الخطوبة حاولي اكسبي حماتك.. يابخت اللي حماتها راضية عنها، حبي حماتك عشان تعيشي عيشة هنية”.
وخلال تقديم برنامجها “كلام الناس” عبر فضائية “إم بي سي مصر” تابعت عز: “فترة الخطوبة عندنا في مصر تبدأ من 2018 وتنتهي عام 2022.. ده كأس عالم مش خطوبة.. وكل ده بسبب إن الفتاة بتخترع المشاكل مع فرعونها حبيبها”.
تابعت عز: “في بلاد بره الناس بيتخطبوا يوم الخميس ويتجوزوا الجمعة، لكن عندنا في مصر البنت تتخطب وتعمل مشاكل كتير مع فرعونها حبيبها وبسبب المشاكل دي فترة الخطوبة بتكون طويلة”.
وفي سايق آخر، طالبت عز المشاهدين بالإكثار من الصدقة قائلة: “على قد ما تقدروا تصدقوا وارسموا البسمة على قلب الشخص.. أي حد يقدر يساعد ولو بحاجة بسيطة يساعد، وخاصة الناس بتوع “الدليفري”.
وتابعت عز: “في فئة لازم نهتم بيهم ونساعدهم برضو.. بواب عمارتك أو أمن الكومبوند، في 600 ألف عامل أمن وبواب محتاجين المساعدة، في الأيام الصعبة دي لازم كلنا نهتم بالصدقة.. المليان يصب على الفاضي”.
