تحدث الفنان محمد محمود عن مسيرته الفنية وبداياته في عالم التمثيل، موضحا أن قدم عروضا مسرحية على مدار 30 عاما، لكن لم يعرفه الجمهور إلا بداية من فيلم “أمير البحار” مع محمد هنيدي.
أضاف خلال حواره ببرنامج “معكم منى الشاذلي” على قناة cbc، أن المسرح مهضوم حقه بسبب عدم تصوير العروض التي تقدم على خشبته، قائلا: “أنا قضيت عمري كله في المسرح، لكن المسرح مهضوم حقه، يعني 30 سنة بمثل في المسرح لكن اللي اتذاع لي 3 أو 4 مسرحيات مع الأستاذ سمير غانم الله يرحمه”.
تابع: “كل أعمال مسرح الدولة اللي أنا قضيت عمري فيها من يوم ما اتخرجت من المعهد متصورش منها حاجة، حتى لما بقيت بعد كده مدير عام في المسرح بقيت أقول عشان اللي حصلي ميحصلش للولاد الجداد إنه نصور الأعمال.. لكن مفيش فايدة رغم مطالبتي أكتر من مرة”.
وعن مشاركته مع هنيدي في “أمير البحار”، قال الفنان محمد محمود: “ده كان عنق الزجاجة اللي خرجتني وعرفت الناس إن في ممثل اسمه محمد محمود، لأن اللي شافوني في الفيلم ده قد اللي شافوني في عمري كله على المسرح، ومن بعده ربنا كرمني وتوالت الأعمال لحد ما اشتغلت مع العظيم يحيى الفخراني السنة قبل اللي فاتت”.
ويشارك محمد محمود في مسلسل “بالطو” ويعرض على منصة Watch it.
ومسلسل “بالطو” بطولة عصام عمر، مريم الجندي، محمود حافظ، محمود البزاوي، محمد محمود، عارفة عبد الرسول ومحمد رضوان، تأليف أحمد عاطف وإخراج عمر المهندس.
