علق السيناريست تامر حبيب، على أزمة الفنانة منة شلبي الأخيرة، خلال حلوله ضيفًا على برنامج حبر سري، المذاع عبر قناة القاهرة والناس.
وقال تامر حبيب:”اليوم ده كان من أسود الأيام في حياتي، لغاية ما عرفت إنها في طريقها للبيت خدتها في حضني جدًا.. وكان همي إنها تضحك وتنبسط وأعمل أراجوز عشان تضحك، وكان في قسوة من البشر”.
تامر حبيب: الناس بقت تحكم على كل حاجة
وأكمل تامر حبيب حديثه قائلًا:”الناس بقت تحكم على كل حاجة مفيش أكتر من عزاء أمي والناس القريبة مني كانوا بيحضنوني ويبوسوني، وقالوا بنرتكب معصية وده موت معصية أيه اللي نرتكبها؟!”.
ويشار إلى أن محكمة جنايات شمال القاهرة المنعقدة بالعباسية، كانت قد قضت بمعاقبة الفنانة منة شلبي بالحبس لمدة سنة وغرامة 10 آلاف جنيه مع إيقاف التنفيذ على خلفية اتهامها بإحراز مخدر الحشيش بقصد التعاطي في غير الأحوال المصرَّح بها قانونًا، وجلبها من الخارج.
تامر حبيب: «مش قادر استوعب وفاة أمي.. ورجعت أصلي من أول رمضان»
حل السيناريست تامر حبيب، ضيفًا على برنامج حبر سري، المذاع عبر قناة القاهرة والناس.
وقال تامر حبيب، في البرنامج، إنه لم يستوعب حتى الآن وفاة أمه حتى بعد وفاتها بخمس سنوات، وتابع:”مش عارف أعبر عن إحساسي وحتى الآن تأتي لحظة أنسى أنها توفيت وأول مرة انسى ذكرى وفاة أمي كان السنة دي وكنت مرتاح شوية لأني قلت إن محتاج الحياة تمشي”.
وتابع تامر حبيب، قائلا في حديثه:”كانت أمي علطول توصيني لما أسافر أول لما أوصل اطمئنها عليا وكنت بنسى علطول أول لما سافر، وكلمتني مرة واثنين وبعدين قلت لها أنا في بيت حلو قوي وفي جنينة حلو قوي فقالت لي يا رب من بيت حلو لبيت أحلى ومن جنينة حلوة لجنينة أحلى ومن جو حلو لأحلى ولما توفيت أيقنت أنها كانت بتقولي رايحة فين.
وواصل تامر حبيب قائلا: “أنا رجعت أصلي لأني كان بقالي شوية مش بصلي ورجعت أصلي من أول رمضان ومنتظم في الصلاة وصورتها في اتجاه القبلة، وبحس كأننا بنصلي جماعة”.
الجواز مؤسسة اجتماعية فاشلة
أوضح السيناريست تامر حبيب، أنه مؤمن بالمساواة بين الرجل والمرأة، وإن كان يرى أن المرأة أهم من الرجل.
وأضاف تامر حبيب، في حواره ببرنامج حبر سري:”الست أهم ألف مرة من الراجل لأنها هي اللي بتعمل الراجل وكلنا اللي عملتنا أمهاتنا وكل راجل طلع عامل إزاي هو صورة عن تربية أمه”.
تامر حبيب: لو جه نصيبي في الجواز زي القطر هتجوز
وعن الزواج تحدث تامر حبيب قائلًا: “أنا شايف الجواز مؤسسة اجتماعية فاشلة ولو جه نصيبي في الجواز زي القطر هتجوز مجاش خلاص.. وعندي ناس اعرفهم عندهم موضوع المساكنة ولكن دفن الرأس بتاعتنا زي النعام مليش دعوة به”.
وأكمل حبيب حديثه قائلا: “جزء من مهنتنا نقف في وش المدفع ونتكلم على المسكوت عنه ودي نماذج في حياتنا ولو قعدت اعمل حساب للهجوم على السوشيال ميديا مش هعيش حياتي وطظ في الناس دي”.
