كشفت المطربه شيرين عبد الوهاب تفاصيل اعمالها القادمه وموقفها من الغيره الفميه من زملائها الفناننين
عبرت عن سعادتها بالمشاركة في حفل روائع محمد الموجي الذي نظمته المملكة العربية السعودية أمس الخميس
وقالت خلال مقابلة مع برنامج “الحكاية” الذي يُقدمه الإعلامي عمرو أديب، عبر شاشة “mbc مصر”، وعرضت مساء الجمعة: “الموجي حاجة كبيرة بالنسبة لنا، وعمل نقلة موسيقية من الوزن الثقيل للموسيقى الخفيفة”.
وأضافت أنها تشعر بالاستمتاع عندما تغني لغيرها من المطربين،
وقالت : “بحس بمتعة تانية لما أغني لنجاة أو أم كلثوم.. زي لما إنسان يتجوز ومراته بتعمل أكل حلو لكن لما يروح لمامته يحس بطعم تاني للأكل.. يحس إنه بيتغذى فعلا”.
وأشارت إلى أن الأغنية ملك للجميع، موضحة: “اللي يعرف يجيد ويجدد يتفضل.. لكن العمل الأساسي هيفضل عظيم، لكن أنا بتناول الأغنية بطريقتي”.
وصفت المطربة شيرين عبدالوهاب، وضع الموسيقى في الفترة الحالية بأنه جيد جدا.
وقالت:”الموسيقى زي الفل.. الشباب الجديد فاهم يعني إيه كلمة ويعني إيه لحن لكنه عاوز اللي يترجمله”.
وأضافت: “كل واحد يختار اللي عاوز يسمعه.. اللي سهران في مكان مش هيسمع أم كلثوم، هيسمع ويجز والشباب الجديد، لكن لما يبقى في البيت وبولع شمعتين هشغل عبدالحليم حافظ وأم كلثوم.. وأنا بعمل كده.. لازم أشغل نجاة وأنا بطبخ”.
وأشارت إلى أنها تحب سماع أغنيات زملائها، وأنها لا تشعر بالغيرة، متابعة: “اللي بيغير ده يعتبر مريض مش فنان .. المفروض كل واحد مننا عنده اللي مش عند غيره”.
وتحدثت شيرين عن نشاطها الفني في الفترة المقبلة، قائلة: “المستقبل عند ربنا وأتمنى يرقزني الصحة اللي تخليني أعرف أقدم اللي معرفتش أقدمه”.
قالت المطربة شيرين عبدالوهاب، إن طبيب البرتغالي كريستيانو رونالدو لاعب نادي النصر السعودي، هو من عالجها بعد واقعة سقوطها على المسرح في حفلها الأخير بمدينة دبي الإماراتية.
وأضافت: “بعد ما وقعت على المسرح .. جابولي الدكتور اللي بيعالج كريستيانو رونالدو علشان كده نزلت للملعب بسرعة.. عملت علاج طبيعي وحسيت براحة كبيرة”.
ووجهت رسالة للسعودية، قائلة: “شكرا للسعودية إنها اهتمت برجلي.. أنا حسيت إني مارادونا وعندي ماتش”.
