تحدث الرئيس عبد الفتاح السيسي، في بداية افتتاح مؤتمر “حكاية وطن بين الرؤية والإنجاز” قائلا: “بنقدم حكاية وطن.. وفي ناس معانا سياسيين.. حد يقول عندكم فرصة في الانتخابات.. قال الله تعالى : “بسم الله الرحمن الرحيم.. قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ”.
وأضاف الرئيس السيسي: “محدش هيدي حد حاجة.. ومحدش هياخد حاجة من حد.. إذا كتير من الناس.. الحملات والسياسة والكلام من هذا القبيل.. يا ترى عندنا يقين حقيقي في ربنا.. محدش ياخد أكثر من نصيبه وهل يقبل نصيبه ولا يقاتل.. القتال فقط من أجل الوطن والبلد.. لكن نصيبه ده من ربنا”.
وأكد الرئيس عبد الفتاح السيسي، أن حلم المصريين كبير، متابعا: “لم يتم تغطية التطوير الإداري الكبير والعمل داخل العاصمة الإدارية بالشكل المطلوب في الإعلام.. وأنا هروح مجلس الوزراء في العاصمة الإدارية.. ويتم تنظيم زيارات لضيوف المؤتمر من أجل التعرف على المقرات الحكومية
وتابع: “مش عاوزين تجبوه في الإعلام كويس.. هل ينفع صورة وزارة التموين تكون اليافطة الخربانة التعبانة؟!.. حلم المصريين أكبر من كده.. اوعي يكون حلمك لقمة”.
وقال الرئيس عبدالفتاح السيسي، إن الهدف من ازدواج قناة السويس استعادة ثقة الناس قائلا: “الفكرة مش إنك تعمل ازدواج فقط علشان تحقق المسار الاقتصادي.. لكن الهدف كان استعادة الثقة في الناس اللى هما بيحاولوا دلوقتي إنهم يهزوكوا فيها”.
وأضاف الرئيس السيسي “: افتكروا كنا بنقف على المسرح بنستقبل أسر الشهداء ودموعنا بتنزل على ولادنا انهم ضحوا علشان بلدنا تعيش.. هنبقا جاحدين جدا.. مش جاحدين انه نخلى بالنا منهم .. لا .. احنا نخلي بالنا من اللى هما ضحوا علشانه .. هنبقا جاحدين ان هما قدموا أرواحهم علشانه”.
