كشف الرئيس عبد الفتاح السيسي عن الأسباب الحقيقية وراء تدهور منظومة السكة الحديد على مدار السنوات الماضية وكيفية العمل على الارتقاء بهذه المنظومة.
وقال الرئيس السيسي خلال افتتاح التوسعات الجديدة والتطوير لمصنع كيما للاسمدة في اسوان صباح اليوم الثلاثاء:” المسؤول زمان مزودش تذكرة القطار كان خايف على الكرسي وساب البلد تخرب”.
وأضاف الرئيس السيسي:” كامل لما بيتكلم عن الـ10 آلاف كيلوا ومشكلتها ان الدنيا تطورت سواء في أعمال الصيانة أو الميكنة لكن مقدرناش نواكب ده معاها وليه اللي قبل مننا في الأربعينات والخمسينات كانوا قادرين يطوروا ليه يا كامل؟ قول الحقيقة، انا هقولها بمنتهى الوضوح التسعير الخط ده يتكلف 5 آلاف جنيه عشان يتحرك انا باخد ألف جنيه – ضاربا مثالا مجازيا- هفضل ادعمه واستمر معاه كام سنة سنتين تلاتة وبعدين ينهار مني انا بقول الكلام ده للمصريين عشان محدش يقول السكة الحديد تعبانة ليه اصل الحكومة مكنتش كويسة، لا هم عارفين بس هيعملها ازاى كامل يقولي التذكرة بجنيه طيب نزودها اقوله لا متزودهاش ليه مبيقولش ليه لانه خايف حتى لو كانت البلد تخرب عشان الكرسي يقعد هو ونخرب فيها ونخليها كهن بلد كهن سكة حديد تعبانة وطرق تعبانة كله تعبان مش فكرة إرادة الناس كانت عارفة كويس العلاج والعلاج عايز فلوس”.
