علق الناقد الفنى أحمد سعد الدين، على حالة الجدل التي أثارها مؤخرا فيلم “أصحاب ولا أعز“، بعد تعرضه للعديد من الانتقادات والهجوم من قبل الجمهور.
وقال “سعد الدين” عن فيلم أصحاب ولا أعز: “الفيلم لا يستحق كل هذه الضجة لسبب بسيط، لأنه منقول بالمسطرة من فيلم أجنبي يعني ده مش تعديل ده تقدر تقول ترجمة فمش محتاج كل الضجة ديـ كمان الفيلم في الأحداث بيظهر حدوث مشكلة ما بين الأصحاب وأن لو كل واحد فتح موبايله هنشوف ايه الأضرار اللي ممكن تحصل، وأن والموبايل ممكن يخرب البيوت”.
وتابع الناقد أحمد سعد الدين: “الفيلم بيعرض الخيانة الزوجية والمثلية جنسية، وكل حاجة بس أنا استفدت ايه من تعريب نسخة زي ما هي مش مديها طابع مصري مثلا، دي النقطة، أما فيما عدا ذلك فالسينما بتقدملنا نماذج كتير جدا عن الموضوعات دي ايه الجديد فيها ما المثلية الجنسية جاءت في كذا فيلم “حين ميسرة” و “رسائل البحر” و”عمارة يعقوبيان” و”قطة على نار” لكنها كانت موظفة دراميا”.
وأضاف: “لكن المشكلة في أصحاب ولا أعز ايه السبب اللي يخليه يعرب فيلم زي ده.. ممكن يكون اتجاه نتفليكس على فكرة لأنها في كل إنتاجاتها بتطلب أن يكون فيه مثلية جنسية.. هذا الاتجاه موجود واتجاه المنصة اللي هينتج أو يروحلها بتحب يكون في هذا الموضوع لترسيخ هذه الثقافة في العالم العربي”.
