سرد النقيب هيثم عماد طه بعض من المشاهد البطولية لرجال الشرطة وكيف واجهوا العناصر التكفيرية في سيناء.
وقال النقيب هيثم عماد طه:” انا من الناس اللي طلبت تروح العريش واول ما اتخرجت كان ده هدفي، وكان ليا زميل كان معايا في السرية اسمه مصطفى يحيى كامل جاويش، وجينا يوم التوزيع هو كتب العريش فقولت له ما تيجي نبدل ويدوب احنا اتوزعنا في 3 يوم قبل ما يستلم شغله كان استشهد فمكنش في دماغي حاجة غير اني اروح العريش”.
وأضاف:” ضباط سينا عندهم حتة الأخوة رقم واحد احنا مع بعض على الحلوة والمرة واللي يموت فينا الاول اللي جاي بعديه يجيب حقه”.
