روت المطربة شيرين عبد الوهاب، كواليس علاقاتها بطليقها المطرب حسام حبيب خلال فترة الزواج.
وخلال مداخلة هاتفية مع برنامج “كلمة أخيرة” الذي تُقدمه الإعلامية لميس الحديدي، عبر شاشة “on”، مساء الثلاثاء، قالت: “كان طلاقنا طلاق بائن لما قصيت شعري.. بعد ما هديت من الكارثة اللي حصلت حسيت إني مش قادرة أستغنى عنه وإني أديله فرصة تانية وكل اتنين مع بعض لما بيسيبوا بعض بيكون فيه فجر في الخصومة.. علاقة الزواج مقدسة لازم نحافظ عليها”.
وتابعت: “أنا كنت بحبه وفاكراه ابني مش بس زوجي.. اهتمت بيه وعملت استوديو علشان شغلنا يتعمل فيه.. اشتريت له كل الأغاني اللي عجبته بشيكات باسمي علشان أضمن له الأغاني دي متروحش منه”.
وتابعت: “لقيت بعد كده إنسان بيتهمني إني بقيت شبه أمه وإنه عاوز واحدة يتباهي بيها قدام الناس تبقى حلوة ورفيعة وكده.. كان فيه خناقات بالضرب والسحل على الأرض وشتيمة عمر ما فيه إنسانة تقبلها على نفسها”.
وواصلت: “أنا كذبت رغم إني مش بحب الكذب.. كذبت في حاجات كتير علشان أنا بنت أصول وعلشان أرفع صورة إنسان رغم إنه ممكن يروح في أي يوم يتجوز من عائلة تانية.. على الأقل يتجوز وأخلص منه.. لو كنت فضّلت أقول عليه كلام وحش مكنش هيعرف يتزوج.. أنا شخصيا نفسي يتجوز ويغور ويبعد عني”.
