كشفت الفنانة اللبنانية نور عن رأيها في المشاركة بالمهرجانات السينمائية وتفاصيل انقاذها من الغرق اثناء تصوير فيلم سينمائي
قالت نور : «أنا شخصيًا بحب أن يكون لي فيلم يشارك في مهرجان، وبالنسبة لي المهرجانات اَخر فترة بقت متعبة، وأنا شخصياً بحب أروح المهرجانات وعايزة ألبس وأحب أكون حلوة، وعايزة أتصور».
وأضافت نور خلال لقائها ببرنامج «نجوم اف ام»: «بس عايزة أكون ليا وقت ملوش علاقة بالصحافة ولا السوشيال ميديا، ولا المكياح، عايزة وقت أتمتع بالسينما ومحدش شايفني، ممكن الناس تزعل مني، بس بقول شعوري».
وتابعت: «المهرجانات مهمة جداً وهي الوجهة الثقافية لأي بلد، والجزء الخاص باللبس طبعاً مهم أحنا في عالم الصورة».
شاهد :
وكشفت نور، عن تفاصيل «لأول مرة» بشأن فيلم «من 30 سنة»، الذي عرض في عام 2016، قائلة: «كنت هغرق أثناء تصوير أحد المشاهد ضمن أحداث العمل».
وقالت «نور» : «كنت هغرق في التصوير، كنت بنصور في انجلترا، المشهد بتاع العربية حصلت لي حادثة غرق، أنا من وقتها بقا عندي عقدة وبقيت بخاف من حاجات مكنتش بخاف منها».
وأضافت: «كنت تحت المياه في مشهد العربية، الفنانة ميرفت أمين كانت قاعدة أدام، وشريف منير مفروض جاي يخبط على باب العربية، علشان يفتحها وينقذنا من الغرق، وكنا عاملين زي حمام سباحة كبير، وكان في هواء بيضخ في المياه فبتنزل المياه، وأنتي داخل المياه، أي حاجة عايزين يرفعوا المياه ويوطوها بيقولوا لنا وكان في غطاسين».
وتابعت: «معرفش حصل خطأ، المياه طلعت فجأة ومش لاقية ماسك التنفس، وببص مش لاقية ميرفت أمين، وبقيت بقول لا لا، أنا كنت بموت حرفيًا، ربنا أداني نص سنتي ميجيش مياه مناخيري، وقولت مش عايزة أموت وعايزة أشوف ولادي، ورميت نفسي والغطاسين شدوني من تحت العربية وطلعوني».
