فاجئ الملحن سامر أبو طالب جمهوره على حسابه بموقع انستجرام للصور بنشر مقطع فيديو يظهر تصالحه مع زوجته المغنية رنا سماحة بعد خلاف طويل كاد يؤدي إلى الإنفصال.
وعلق سامر أبو طالب على الفيديو: “أولا الحمدلله ثانيا هقول الكلمتين الجايين دول ل ( أم مالك ) مراتي و حبيبتي و أم ابني اللي اكتشفت في الفترة اللي فاتت دي إني ماقدرش أعيش من غيرها ولا حتى بكون مبسوط في أي حاجة حتى أبسط الأشياء هي لازم تكون فيها معايا بحبها أوي بجد يمكن كنت أوقات بعند بس اكتشفت إني فعلا ماينفعش أكون غير ليها و هي ماتنفعش تكون غير ليا آسف لو زعلتك في أي حاجة و ربنا يباركلي فيكي و يحفظنا من كل شر و يبعد عنا الحسد و الحقد و اللي كارهين يشوفونا مرتاحين و هاديين و الحمدلله دائما و أبدا. نيجى بقى ل ( برنس قلبي ) ابني و قرة عيني حبيبي و صاحبي و أخويا اللي لسه ماشوفتوش ( مالك ) مش هقولك غير إني بحبك و لما تيجي بالسلامة هقولك حاجات كتير أوي نفسي أقولهالك و مش هتفارق حضني أبدا. بحبك يا رنا و بحبك يا مالك. شكراً للناس اللي كانوا بيكتبولي كلمة حلوة عشان عاوزين يشوفونا تاني مع بعض.”
View this post on Instagram
كما أعادت رنا سماحة نشر الفيديو على حسابها، حيث بارك لها الجمهور وتمنوا لها بالسعادة والراحة.
يُذكر، أن سماحة ظهرت في وسائل الإعلام خلال الفترة الماضية لتؤكد أنها لا تعرف هل ستنفصل رسميا أم سوف تتصالح مع زوجها بعد خلاف حدث بينها اكتشفه الجمهور من خلال ملاحظة حذف صورهما على حساباتهما بمواقع التواصل الإجتماعي.
