كشفت الفنانة وفاء سالم، تفاصيل معاناتها بعد خضوعها لعملية جراحية؛ ادت لتشوهات في وجهها.
وخرجت وفاء سالم في فيديو لايف عبر صفحتها على موقع التواصل الاجتماعي Facebook قائلة: “الحمد لله على كل حاجة بتحصل في حياتنا قبل العملية كنت نفسيًا مش مبسوطة، كان عندي محقون خد، وحقن في آثار العملية لسة موجودة ولسة فيه ورم”.
وأضافت: “الجرح كان فوق الحاجب والدكتور فتح وكان فيه صديد واصل للمخ والشبكية والدكتور صوره فيديو وكان عندي خد أكبر من خد، فكنت بضايق أنا مبحبش أكون مش أنا، مش معناه إني ضد التجميل، التجميل معمول لخدمة الجمال، يحاول يخلي الإنسان شكله طبيعي”.
وذكرت: “شوفت وشوش بلاستيكية وعمري ما طلبتها، الإحساس بيقل ويخفت لما الإنسان ميبقاش على راحته وأنا عايزة ملامحي زي ما هي زي ما انتوا حبتوني، فيه أعمال قدمتها مكنتش راضية عنها، لأني مكنتش حاسة الإحساس الطبيعي، فبلاقي التعبير ضعيف وناقص”.
وتابعت وفاء سالم: “لو ربنا قدر واشتغلت في الفن تاني، مبدورش أكون صغيرة، أنا في النهاية ماما وابني كبير، مش بخبي عنه حاجة، لما عملت العملية ابني كان معايا خطوة بخطوة لو فيه حاجة غلط مكنش هيوافق، ابني ساعدني أتخطى مرحلة صعبة في حياتي”.
يذكر أن آخر أعمال الفنانة وفاء سالم هو مسلسل “القاتل الذي أحبني” مع هاني رمزي وسهير رمزي، ويعرض عبر أحدى المنصات الإلكترونية، كما شاركت خلال عام 2020 في 3 مسلسلات هي “ختم النمر” مع أحمد صلاح حسني، “الأخ الكبير” مع محمد رجب و”ونحب تاني ليه؟” مع ياسمين عبد العزيز، شريف منير وكريم فهمي.
