كشف الفنان كمال أبورية عن سنه الحقيقي، وعن رايه في الست المصريه ولماذا بفضل حياة العزوبيه
قال «أبورية» خلال حواره ببرنامج «كلام الناس»، الذي تقدمه الإعلامية ياسمين عز، عبر قناة «إم بي سي مصر»، اليوم السبت: «ليس لدي مشكلة في الكشف عن سني، يمكن السن مش باين على لأني لا أهتم كثيرًا بكل شيء» موضحًا أنه يبلغ من العمر الآن 65 عامًا.
وأضاف: «في ناس واخدة كل حاجة على قلبها، وتاعبة نفسها قوي، يعني لو معندوش شغل مينمش ويقعد يجري ويقابل الناس، ويشتكي، أنا مش شكاي وبقدر أستوعب الأمور، فيمكن ده السبب إني مش باين عليا السن، بس أنا شايف نفسي كبرت يمكن الناس مش شايفين كده، بس أنا شايف نفسي كبرت».
وتابع: «أنا حياتي سهلة وبسيطة، ومش حاسس إنني أنا كبير، وبحاول أحب الحياة وأعيش على التفاؤل، لكن لا يمكن تجاهل السن وتغييراته على الإنسان جسديًا، البني آدم له مراحل لازم يمر بيها».
وأكمل «أبورية» موجهًا حديثه لـ«ياسمين عز»، بسبب سؤاله عن عمره، قائلًا: «أول ما شوفتك قولت عليكي حلوة بس لئيمة».
وقال الفنان كمال أبو رية٫ إنه يستطيع العيش بدون المرأة٫ معقبا: “أقدر أعيش من غير الست وجربت ولقتني مرتاح”.
وأضاف: “ليا صديقة في حياتي بدردش معاها وباخد رأيها وأحيانا الأصدقاء بيكونوا أكثر شفافية من القريبين زي الزوجة كدة”.
لافتا: “طبيعة الست المصرية مضحية وبتحب ولادها فمجرد ما بتتجوز بيكون كل اللي شغلها الولاد فبتنسى نفسها وبتنسى جوزها”.
وأشار: “مبحبش تعدد الزوجات ولو الست مهملة في حق زوجها المفروض يستوعبها ويكسر الحاجز ده مثلا أنه يروح يتفسح ويرجعلها تاني”.
