واصلت الإعلامية ياسمين عز، توجيه النصائح والرسائل للزوجات المصريات في برنامجها كلام الناس المذاع علي قناة ام بي سي مصر
ووجهت عز رسالة للزوجات بمناسبة السنة الجديدة، قائلة: “لازم تحسسي جوزك إنه هيرو وبطل”.
وأضافت “: “حسسي زوجك دائما أن البيت مفتوح بحسه، وأن تعبه في شغله مش رايح على الفاضي”.
وأشارت: “بلاش تسأليه وهو نازل أنت رايح فين، الجملة دي لغوها، هيروح فين يعني؟ حسسيه إنك واثقة فيه وعنده مساحة شخصية ومش متراقب، والعبي دور الأم في حياته وادعي له دعوة حلوة”، متابعة: “لو اتخانقتي مع جوزك حطي نفسك على وضع الطيران”
وقالت : “متبقيش زنانة وفتانة، ومتخليش سيرتكم لبانة”.
زاضافت “: “الحاجه تطلبيها من جوزك مرة واحدة فقط، لو جوزك عملها خلاص، ولو معملهاش تستني يومين وبعدين تفكريه وبلاش زن”.
وتابعت: “اللي بينك وبين جوزك ميطلعش بره حتى لو مامتك، واللي بينك وبين أي حد في الدنيا عادي تقوليه لجوزك، هو الفرعون الكبير مفيش أي سر يستخبى عليه”.
وأشارت الإعلامية ياسمين عز، : “بدل ما تفتشي في جيوب زوجك وتعرفي هو معاه أيه حطي له فيها بونبوناية أو ورقة فيها كلمة حلوة”.
وقالت «عز» : «أهم حاجة للتعامل مع زوجك هو الصوت الشتوي اللي نسيته بعد الجواز، وكمان العيون الشتوية المصاحبة للصوت الشتوي».
وأضافت: «وانتي بتكلميه ضيقي عينكي، لو جمعنا بين الصوت الشتوي والعيون الشتوية، ستكون الحياة الزوجية أكثر من سعيدة».
وتابعت «عز»: «ماجدة الرومي غنت وقالت إيه، عيناك ليال صيفية، جوزك هو الصيف وانتي الشتا، الراجل لازم يكون صيف يعني خشونة في الصوت وكده، وإنتي الشتا، لما يجتمعوا مع بعض يعملوا أحلى جو».
وأكملت: «إنتي مصرية نفرتيتي وكليوباترا، مصرية يعني فرعونة، وجوزك هو الفرعون الصغير الكبير».
