قال المطرب عصام صاصا عن تنازل أسرة ضحية دهس الشاب عبر حسابه الرسمي بموقع الصور والفيديو “إنستجرام”، أن الحمد الله على كل حاجة، وأنا راضي بقضاء ربنا سبحانه وتعالى، أنا كان كل همي أنى أرضى أهل المتوفي، وميكونوش زعلانين مني “.
وتابع :”أنا عملت اللي عليا وكل حاجة بتاعت ربنا، وربنا وحده عالم باللي أنا كنت فيه وعامل أزاي بسبب الحادث وأنا عارف أن ربنا مش هيسبني ودايما جنبي، والحمد لله تاني”.
تفاصيل تنازل زوجة ضحية عصام صاصا عن مقاضاته
في سياق اخر قالت زوجة ضحية عصام صاصا، أمام المحكمة إنها تتنازل عن اتهام عصام صاصا بالقـتل الخطأ لزوجها الراحل، بمحض إرادتها عنها وعن أولادها.
وسألت المحكمة زوجة ضحية عصام صاصا، بعد أداء اليمين القانونية، لماذا حضرت للمحكمة؟ وأجابت: “عشان أتنازل عن القضية، عني وعن أبنائي الأربعة، بصفتي الوصي الشرعي عليهم”، ثم طلبت منها المحكمة التوقيع على التنازل.
ووصلت صباح اليوم أسرة ضحية عصام صاصا إلى مقر محكمة جنايات الجيزة المنعقدة في محكمة زينهم بالقاهرة، لحضور أولى جلسات محاكمة المطرب في اتهامه بتعاطي المواد المخدرة والقتل الخطأ.
