العدس أبو جبة من الأكلات الشعبية الأصيلة في المطبخ المصري، ويُعتبر من الأطباق المغذية والمشبعة، خصوصًا في الشتاء. يتميز بطعمه اللذيذ وسهولة تحضيره، وكمان غني بالبروتين والألياف، وبيفكرنا دايمًا بطعم أكل زمان ودفا العيلة.
العدس بجبه بطريقة امهاتنا زمااان
المكونات:
ربع كيلو عدسة بجبه
بصلة مكعبات
معلقة توم مفروم
حبة طماطم مكعبات
فلفل أحمر حار
لتر من الماء
مكعب مرقة
كمون وكزبرة وفلفل أسود وشطة (اختياري، بلاش أي بهارات زيادة)
طريقه التحضير:
هنقع العدس يعني مدة ساعة، هنغسله كويس، بعد كده هنسلقه في ميه.
وهنجيب بصلة، معلقة سمنة بلدي مع الزيت، أشوح البصلة مع شوية ملح، وأول ما البصلة توصل للون الأصفر الذهبي، هنزل عليهم بالطماطم ومكعب مرقة ويتسبكوا دقيقتين، وأنزلهم على العدس.
ولما يستوي العدس، هنجيب معلقة سمنة بلدي على زيت، معلقة توم مفروم، على قرن فلفل أحمر، هدقهم مع بعض شوية، وشوية كمون، وشوية كزبرة، هحمر الثوم وهنزلهم على الوش كده.
وهنزينهم بشوية بقدونس، ولو عايزين تزودوا شوية ليمون وشطة يبقى كده طبق طعمه تحفة خرافي، مع عيش بلدي، وبالهنا والشفا.
بألف هنا♥️♥️
