رول الجلاش بالفراخ هو طبق شرقي شهي وسهل التحضير، يتميز بطعمه اللذيذ وقوامه المقرمش. يُعد خيارًا مثاليًا للعزائم أو الوجبات الخفيفة، ويجمع بين الحشوة الغنية والغلاف الذهبي المقرمش.
المقادير:
.لفه جلاش
.2 صدر فراخ مفروم او مقطع صغير
.1بصله مفرومه
1 فص ثوم مفروم
1 ملعقة كبيرة زيت
1 ملعقة كبيرة زبدة
رشة فلفل أسود
رشة بابريكا
رشة بهارات فراخ
ملح حسب الرغبة
2 ملعقة كبيرة زبدة سايحة (لدهن الجلاش)
رشة زيت خفيف لتسوية الرولات
طريقه التحضير:
1. شوّحي البصل في الزيت والزبدة، ولما يطرى ضيفي الثوم وقلّبي شوية.
2. نزّلي بالفراخ وقلّبيها على نار متوسطة لحد ما تستوي وتنشف ميتها.
3. ضيفي الملح، الفلفل، البابريكا، وبهارات الفراخ، وقلّبي كويس، وسيبي الحشوة تبرد.
4. افردي 4 ورقات جلاش فوق بعض، وادهني بين كل طبقة زبدة سايحة
5. في الطرف، حطي شوية من الحشوة، ولفيهم رول وقلّبي الأطراف كويس.
6. سخّني طاسة على نار متوسطة، وادهنيها رشة زيت بسيطة.
7. حطي الرولات في الطاسة وقلّبيهم على كل الجوانب لحد ما يتحمّروا وياخدوا لون ذهبي مقرمش.
ممكن تغيري الحشوه حسب ذوقك:
لحمة مفرومة معصّجه
جبنة موتزاريلا ورومي
سبانخ وجبنة بيضا
بطاطس مهروسة ومتتبّلة
سوسيس وفلفل ألوان
بألف هنا،،😋😋
