حلت الفنانة سلوى خطاب، ضبفه علي برنامج «كلام الناس»، الذي تقدمه الإعلامية ياسمين عز، عبر قناة «إم بي سي مصر»، وكشفت كواليس دخولها عالم الفن وموقف عائلتها من الالتحاق بهذا المجال والصعوبات التي واجهتها في بداية عملها واصول التربيه وردت علي اشاعه انها عدوة للرجاله
قالت خطاب، في إن جدتها أصرت على دخلوها كلية التجارة، رغم رفضها، ولكنها التحقت بالكلية بالفعل.
وأضافت: «أنا في الجامعة قرأت في الجورنال إنهم طالبين دفعة بنات في معهد فنون مسرحية، قلت أنا بحب الفن وهروح أقدم، ونجحت من وراهم، وسحبت ورقي من كلية التجارة وقدمت في معهد فنون مسرحية».
وتابعت خطاب: «في يوم تم نشر في الصحافة عني، وأعمامي شافوها وعرفوا، وحصلت مشكلة وخدت علقة موت منهم، وجدتي قالت لي إزاي تعمل كده، حد يسيب كلية تجارة ويروح معهد الرقاصين».
وأكملت: «قلت لها في ناس ولاد عائلات بتدخل المعهد، وأوعدك إن اللي انتي ربيتيني عليها همشي عليه، مش إنت بتحبي أمينة رزق، أنا هكون زي أمينة رزق».
ردت الفنانة سلوى خطاب، على اتهام البعض لها بأنها عدوة للرجل، مشيرة إلى أنها لا تتعامل بهذا المنطق.
وقالت : «معرفش الاتهام جه منين، يمكن الستات طلعوه عليا عشان يوقفوا سوقي».
وأضافت: «مش ممكن يكون في عداء، المرأة زي الراجل، أنا بعامل بني آدمين، اللي يهمني البني آدم شكله إيه أو البني آدمة شكلها إيه، مينفعش حد يعادي حد».
وتابعت خطاب: «أنا بحس إن الست المصرية شايلة مهام كتيرة قوي، مطلوب منها فوق طاقتها أكثر من الرجل».
قالت الفنانة سلوى خطاب، إنها تعاني من وسواس النظافة هي وعمتها وجدتها بشكل مفرط.
وأضافت : «عمتي كانت هتطلق عشان قالت لجوزها اقلع الجزمة وهي بتمسح».
وتابعت: «العلاقات زمان غير العلاقات دلوقتي، مكنش في بيع كده، كان صعب على الست إنها هتقول عايزة أطلق، عمتي كانت لا تجرؤ أن تقول قدام جدي عايز أطلق والكلام ده، ولما جه جوزها عشان ياخدها، جدي قال لها قومي وانزلي مع جوزك».
وأوضحت خطاب: «جدي كان عامل قانون إن بنته اللي تغضب وتسيب بيتها تيجي بورقة طلاقها»
وصدمت سلوي خطاب الإعلامية ياسمين عز عندما قالت : “ليا واحدة صاحبتي لها آراء عكس آرائك كده وطول اليوم المرأة وحقوق المرأة والكلام ده”.
وأضافت سلو خطاب: “قولتلها أنا مستنية أشوفك متجوزة عشان أشوفك متجرجرة من شعرك وفعلا حصل اتجوزت وأتجرجرت في الريسيبشن من شعرها”.
من جانبها قالت ياسمين عز: “أنا ضد العنف ولكن أنا مع أن كل طرف يمشي الأمور دون تعقيد أو مشاكل”.
