أكد الفنان محمد أنور، دعمه لتصريحات الفنان يوسف الشريف المتعلقة برفضه التلامس والمشاهد المثيرة في مجال الفن.
وقال: “أدعم يوسف الشريف بعد تصريحه عن التلامس ومش ندمان على تصريحاتي دي وسواء مقتنع بكلامه أو مش مقتنع هو حر في رأيه”.
وأوضح محمد أنور، خلال حوار ببرنامج “حبر سري”، مع الاعلامية اسما ابراهيم، على قناة القاهرة والناس، اليوم السبت، أن يوسف الشريف ناجح جدا في اختيار أعماله، مشيرا إلى أنه يرفض الأدوار الجريئة.
وتابع: “الواحد مننا بيخاف لما أولاده يكبروا يشوفوا حاجة عن باباهم تضايقهم ومش هعمل أدوار فيها إثارة او تلامس ومش بحب الحاجات دي”.
وواصل: “لو بناتي طلبوا التمثيل هوافق لأني لو رفضت برضو هتعمل ده، وأهلي كانوا رافضين تمثيلي عشان شغلة مش مضمونة”.
واختتم محمد أنور: “أنا أصريت على التمثيل ودخلت مسرح الجامعة وأسرتي منعوا عني المصروف عشان كانوا بيقولوا ده مصروف الجامعة للتعليم وبيعتبروا انضمامي لفريق المسرح أني رايح العب”.
