كشف الدكتور نبيل عبدالمقصود، مدير مستشفى قصر العيني الفرنساوي «سابقًأ»، وطبيب المطربه شيرين سبب حضوره حفله مهرجان قرطاج
وقال : «أنا أول مرة أحضر حفلة، مش فاضي للحفلات، لكن لما قالت لي هأعتذر، قلت لها هتروحي وتثبي وجودك، أنت قادرة، وهي بالفعل قادرة أبدعت وأبهرت الجمهور ومن اجل ذلك ذهبت الي الحفله ».
وكانت المطربة شيرين عبدالوهاب قد قبليت يده في حفل قرطاج بتونس،
وقال الطبيب إن شيرين مطربة ذات طبع خاص، ربنا منحها قبول وروح وتلقائية غير عادية.
وأضاف الطبيب خلال لقائه مع الإعلامية عزة مصطفى، في برنامج «صالة التحرير» المذاع عبر فضائية «صدى البلد»، أن شيرين طيبة جدًا وتلقائية، مرت بظروف صعبة جدًا كان لها تأثير سلبي، حيث مرت بمشاكل كثير ومتلاحقة، جعلتها تنعزل عن الناس ولا تريد الظهور ولا تعمل أي حاجة جديدة، متابعا: «الناس مرهفو الإحساس بيتأثروا بالحاجات الصغيرة، ناس لو مروا بنفس الظروف ولا يفرق معاهم».
وأشار إلى أن علاج الفنانة شيرين، استمر فترة طويلة وكانت غير قادرة على الغناء، مردفا: «مكنتش عايزة تطلع الحفل، وعايزة تعتذر لأن عندها إحساس الرهبة، لكن أنا بقيت شايف إنها قادرة على الغناء وتقف على المسرح، محتاجة تديلها ثقة ودفعة قوية وثقة في نفسها وقدراتها، كان دوري أزوقها، وعشان كده روحت معاها».
ووجه الدكتور نبيل عبدالمقصود، رسالة لها على الهواء، قائلا: «وقفتي وشفتي حب الجمهور قد ايه، بقينا على الطريق بعد المشاكل اللي خلصت، لازم متقفيش مكانك، لازم تكملي، متأكد إنك هتكملي، لأنه لا رجعة مرة أخرى، الرجعة وحشة».
وقال :«بعد النجاح الباهر في تونس كملي، مهرجان قرطاج كان قبلة الحياة لك، استخدميها واجري لقدام، لأنك أيقونة مصر تفتخر بها، وكل الدول العربية تحبك».
وتابع: «لازم شيرين تختار اللي حواليها، محدش يقدر يفرض حد، تختار الناس اللي متضرهاش، الناس اللي بتحبها بلا هدف أو مردود، بتحب شيرين لشيرين دول الناس اللي خلوهم جنبك ومعاكي هيساعدوكي ويطلعوا بيكي لقدام، أي حد تاني مستني مردود مش هيساعدك يا شيرين».
