كشفت الفنانة الكبيرة شهيرة، عن إمكانية عودتها للتمثيل مرة أخرى،وانها مازالت تفتقد لزوجها الراحل الفنان الكبقير محمود ياسين
وقالت «شهيرة» خلال لقائها ببرنامج «كلام الناس» الذي يذاع على شاشة Mbc مصر: «في عروض وأنا ببقى متحمسة جدًا وقتها، ولكن لما بفكر وأقول طب والورق، أهم حاجة الورق لأنى بقالي فترة طويلة أوي مطلتش على الناس بأي دراما، فبعد السنين دي كلها الواحد بيبقى قلقان بردو، ومش عارف بعد السنين الطويلة دي هيقدم إيه للجمهور، هل هقدم حاجة يقولولي لأ يا ريتك ما عملتيها ما إنتي كنتي قاعدة وإحنا حابينك كده، أنا مترددة».
وأضافت: «أنا عرفت إن المناخ والمهنة بقت صعبة وبيشتغلوا الـ 18 ساعة، وعلى أيامنا كان 8 ساعات حاجة كده بشياكة وحلوين أوي وبنبقى واعيين باللي بنعمله، مش بنعمل نص دورنا وإحنا تعبانين، الحاجات دي قلقاني لأني مش واخدة على كده».
كما دخلت الفنانة فى نوبة بكاء شديدة على الهواء خلال حديثها عن زوجها الراحل محمود ياسين،
وقالت: أنها لا تستطيع أن تتجاوز حزنها على رحيل زوجها.
وقالت «شهيرة» :«مش قادرة أتجاوز وفاة محمود ياسين لحد دلوقتي، مش عارفة طبعا بحاول على صفحتى كل الفانز بيقولوا لنا وحشتنينا، لكن في الحقيقة محمود ما يتعوضش كزوج وإنسان مفقتدة حاجة كبيرة أوى في حياتى أنا مش مضبوطة ومحطمة».
وأضافت :«جيت النهاردة عاوزة أخرج من الحالة اللي أنا فيها كل صحابي بيقولوا لي لازم تخرجي من الحالة وأني واحشة الناس، ولازم أبقى قوية شوية لأنى ساعات بكون محطمة، وولادى عوضونى شوية، وبيهتموا بيا وبيحاولوا يطلعونى ويقولوا لى ما ينفعش تبقى قافلة على نفسك، لأن الحزن الزايد عن اللزوم بيأثر عضويًا وصحيًا ومحمود كان إنسانا رائعا وراقي وكان متفردا».
