طرح الفنان بهاء سلطان أحدث أغانيه “دلوقتي عجبناكو” عبر موقع الفيديوهات الشهير “يوتيوب” وكافة المنصات الإلكترونية.
ونشر بهاء سلطان الأغنية عبر صفحته بموقع التواصل الاجتماعي Facebook وعلق قائلا: “أول أغنية بعد الرجوع (دلوقتي عجبناكو) من انتاج وتوزيع روتانا .. يارب تعجبكوا”.
الأغنية كلمات منة القيعي وألحان عزيز الشافعي توزيع أحمد عادل ومكس ماهر صلاح وماستر جلال حمداوي.
وتقول كلمات الأغنية:
دلوقتي عجبناكوا ؟ ما كنا حلوين ومعاكوا ! فجأة الشوق آهو جابكوا طب إيه كان مشّاكوا ؟ أيوة إحنا إحلوينا لأ وكمان بقينا صعب يخش علينا كلمة ودمعتين كنا زمان حاجة تانية غلب وطيبة الدنيا كنا بنيجي ف ثانية كنتوا ساعتها فين دلوقتي بقينا فلة ده إنتوا كسرتوا ورانا قلة ومشينا وسايبينها على الله كدة فجأة وجعناكوا عارفين أيوة قسينا نشفنا ورانا رمينا دنيا بنت لذينة يوم سلف يوم دين والله مش ندية ولا عِند ولا أذية أصل المواضيع ديا خلصت من سنتين دلوقتي إتقدرنا ده إحنا ياما إتكدرنا يلا قدركم وقدرنا تيجوا بعد ما ننساكوا
وكان الفنان بهاء سلطان قد أحيا حفل غنائي، يوم الخميس الموافق 8 سبتمبر في مدينة الإسكندرية.
يذكر أن بهاء سلطان انضم مؤخرا إلى شركة روتانا، ويستعد خلال الفترة المقبلة لطرح ألبومه الأول معها، بعد فسخ تعاقده مع مكتشفه المنتج نصر محروس.
