وجهت الإعلامية بسمة وهبة رساله الي متابعيها علي صفحات التواصل الاجتماعي
وظهرت بسمة وهبة في مقطع فيديو عبر خاصية «ستوري» بموقع التواصل الاجتماعى «انستجرام»، تطلب فيه من الجمهور أن يدعو لها في رحلة علاجها وألا يعتقد أنها رحلة لقضاء عطلة.
وأضافت بسمة وهبة : «والنبي يا حاجة أستحلفكم بالله ما تنبروا عليا والله ما جاية أتفسح في لندن، والله العظيم أنا بنزل من غير فلوس في لندن، عشان الحاجات هنا مولعة، أسعارها نار».
وتابعت: «جاية لندن رحلة علاج، والله العظيم ادعولي ما تنبروش عليا، ادعولي إنه ربنا يشفيني ويكتبلي الحج، والنبي ما تنقوا وهاخدكم جولة معايا بكره عند الدكتور والمستشفى عشان ترتاحوا وتدعو من قلبكم كده والدعوة تتقبل».
كان قد تصدر اسم الإعلامية بسمة وهبة تريند محرك البحث «جوجل»، خلال الأيام القليلة الماضية، بعدما قالت إنها ستبرّئ ريم طارق، زوجة مغني المهرجانات حسن شاكوش، وستقف بجانبها في أزمتها الأخيرة.
وقالت بسمة وهبة: «كلام كتير بيدين ريم طارق وأنا هبرأها منه، وبيتقال إنها كذبت في إنها كانت متزوجة قبل حسن شاكوش، وهي مكذبتش وأنا هبرّأها، وهي قاعدة معايا في لقاء برنامج العرافة في رمضان، وهاجمتها وسألتها إنتي ليه سجدتي شكرا لله في الفرح، وده كده شو وعشان التريند، قالتلي لأ مش شو أنا كنت سعيدة إن ربنا عوضني».
وأضافت : «وريم قالتلي أنا حسيت إن ربنا رزقني بحاجة بيعوضني بيها عن تجربة سابقة عانيت فيها كتير، فطبيعي إن التجربة اللي هي تقصدها دي كانت تجربة زواج، مفيش حاجة تانية».
