خرج مرتضى منصور، رئيس لجنه العضويه والتعاقدات بنادي الزمالك عن صمته في ازمةة اللاعب سيف فاروق جعفر وتوقيعه لنادي بيرميدز
وقال مرتضى منصور، في فيديو نشره عبر صفحته على موقع التواصل الاجتماعي «فيس بوك»: «سيف مضى، وقالي هديتي إيه قولتله هديتك هجبلك الشبكة، كلمتله الجواهرجي، وقولتله اديله أي شبكة يختارها».
وأضاف: «سيف وهو ماشي، الظرف كان فيه عقود خدهم ومشي وقال للإداري أحمد إبراهيم (أنا هوريهم لوالدتي، أنا مضيت ووالدتي تمضي جنبي، عشان أفرحها)، فخد العقود، والإداري بيتحاسب دلوقتي».
وتابع: «سيف، مضى وبصم على 4 نسخ، طلبت العقود من الإداري لتوثيقها، للأسف الإداري قالي(سيف وهو خارج خدهم وطلع بيهم)، سيف كان مفروض يجيب العقود يوم السبت، حازم فتوح (وكيل أعماله)، جه النادي، واللاعب مجاش، فوجئنا، سيف عاوز ياخد 12 مليون جنيه في السنة، أنا لو عملت كده، يبقى ببوظ أوضة اللبس، حسام عبدالمجيد ونيمار، اللي بيلعبوا في المنتخب بياخدوا مليون، اللي مبيلعبش في المنتخب، هديله 12 مليون ازاي يعني! هدمر أوضة اللبس».
وأتم: «أنا كنت جايب أوسوريو، (مدرب الزمالك)، للحديث معه عن كذا موضوع، وسألته عن سيف ويوسف، قالي (الاتنين مش عاوزهم)، والدليل مبيلعبهمش، اللي باع النادي، النادي مش عايزه».
