شن رواد التواصل الاجتماعي السعوديين هجوما عنيقفا علي الفنان محمد سلام بعد اعتذاره عن مسرحيه زواج اصطناعي المقرر عرضها في موسم البرياض الاسبوع القادم بسبب احداث غزه
ودخل رواد مواقع التواصل الاجتماعي علي الخط بانتقاد نظرائهم السعوديين و تتبادل الطرفان الهجوم فيمال بينهم
ودشن السعوديين هشتاج بعنوان شارع الهرم ورد عليهم المصريين بهشتاج #محمد_سلام_البطل
وكان الفنان محمد سلام قد أعلن اعتذاره عن عدم السفر إلى السعودية لتقديم مسرحية «زواج اصطناعي» في موسم الرياض، تضامنا مع الشعب الفلسطيني لما يتعرض له من عدوان غاشم من جيش الاحتلال.
وقال محمد سلام في فيديو نشره عبر حسابه على موقع «انستجرام»، قائلًا:«السلام عليكم ورحمة الله إن شاء الله المفروض أسافر الرياض عشان أعرض مسرحية زواج اصطناعي في موسم الرياض والمفروض إنها مسرحية كوميدية وفيها أغاني واستعراضات والمفروض إننا نعرض يوم 30 أكتوبر».
وتابع سلام: «هنعرض في وسط الأحداث اللي بتحصل في غزة فأنا مش متخيل إني هروح أعمل مسرحية وأهزر وأرقص وإخواتنا في فلسطين عمالين يتقتلوا ويدبحوا ومفيش حاجة بتحصلهم».
وأوضح: «أنا مش هقدر أسافر طبعا وليه بقول الكلام ده في آخر لحظة المفروض إني أسافر بكره إن شاء شاء لأني كنت على أمل أن الموسم يتلغي أو يتأجل مثل مهرجانات الجونة والقاهرة أو الموضوع يهدى في فلسطين، ونقدر نعرض لكن مفيش حاجة بتحصل لحد دلوقتي في ناس عمالة تموت ومفيش حاجة بتحصل، فأنا ازاي أروح اعرض وناس بتموت في فلسطين».
وأضاف: «حاسس لو أنا عملت كده هبقى كأني زي اللي بقتلهم بالظبط، هبقى خذلتهم وهبقى بغني وارقص، فأنا بعتذر عن المشاركة في موسم الرياض واللي بيحصل في فلسطين قضية كل مسلم، وواجب على كل مسلم، فأنا مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه؟ هقول في وقت الأحداث في فلسطين أنا كنت بعمل مسرحية كوميدية وبرقص وأغني فأنا مش هقدر أعمل كده».
واستطرد: «كان عندي الموسم يتأجل أو يتلغى، فأنا مش هقدر أشارك في المهرجان ده وحابب أقول إني كنت في مشكلة مش عارف أسافر ولا أعمل إيه؟ والتمثيل هو أكل عيشي، لكن لو مسافرتش هل هموت من الجوع؟ بالتأكيد لا».
