كشف محمود أحمد شيبة، نجل الفنان أحمد شيبة تفاصيل نشره لصورة والده برفقة عدد من مشجعات الأرجنتين، في قطر بدلًا من وجوده في دبي لإحياء حفل غنائي.
وقال محمود أحمد شيبة، خلال مداخلة هاتفية لبرنامج “حضرة المواطن”، عبر فضائية “الحدث اليوم”، “أنا اللي ناشر الصورة ودا بسبب أن أبويا طردني من البيت وقالي خليك عند ستك، بسبب إني كنت في حفلة وكان معايا أغنية جديدة لأبويا فسربتها عندي، راح حلف عليا بالطلاق مدخلش البيت تاني”.
نجل أحمد شيبة ينشر صورة والده مع مشجعات الأرجنتين
وتابع: “وداني لجدتي واستغليت الفرصة بعد نشر صورة لوالدي مع مشجعات منتخب الأرجنتين وحبيت أنه يكون معايا عند ستي”.
وأضاف محمود أحمد شيبة: “والدتي شكرتني لما شافت الصورة، ووالدي قالب عليا الدنيا لما عرف”.
نجل أحمد شيبة أبويا هيتطرد معايا
وأردف: “أخدت حقي من أبويا بالطريقة اللي ترضيني أنا، أعمل ايه مهو كده كده أبويا هيتطرد معايا ومش هيروح البيت وهيجي يونسني عند ستي “، موضحًا: “أبويا عمال يبعتلي تسجيلات على الواتس أب بس قلبي مش جايبني افتحها
ودخل الإعلامي سيد علي في وصلة من الضحك، معلقًا: “مش عارف أقول ايه بصراحة بنخلف العيال عشان يعملوا فينا كده”.
