انتقدت الإعلامية مفيدة شيحة قيام ريم طارق، زوجة المطرب حسن شاكوش، بالسجود في حفل زفافها، معتبرة أن هذا التصرف يقلل من قيمتها.
وقالت مفيدة شيحة خلال تقديمها برنامج “الستات” المذاع عبر قناة النهار: “صورة زي دي تقلل من قيمتك قدام أهلك وأهل جوزك، ولو حد قال ليكي كلام غير ده يبقى بيجاملك”.
وأضافت: “أي حد بيشوف الصورة بيضحك من ورا ظهرك ويقول دي ما صدقت إنها إتجوزت، إنت في نفس الوقت امرأة بتمثلي بنات كتير في عيلتك”
حفل زفاف حسن شاكوش
ومن جانبها، اعتبرت الإعلامية سهير جودة هذا التصرف مبالغة من زوجة حسن شاكوش، وقالت خلال تقديمها برنامج “الستات: “هذا التعبير عن المشاعر لا يصلح في العلن، وطالما يوجد تصوير وأنا بقيت شخصية عامة لازم آخد بالي من تصرفاتي، في مبالغة كبيرة جدا في التصرف”.
سهير جودة
وكانت زوجة حسن شاكوش كشفت في أول تعليق لها على الجدل الذي أثاره سجودها في حفل الزفاف عن أن سجودها لم يكن تصرفا وليد اللحظة، رافضة اتهامها بالبحث عن التريند
وقالت ريم طارق في تصريحات لبرنامج ET بالعربي: “دي حاجة بعيدة عن السوشيال ميديا، ومفيش حد يقدر يضحك على ربنا”، وهو ما علق عليه حسن شاكوش بقوله: “مش بتسيب فرض”.
وأضافت زوجة شاكوش: “أنا كنت واخدة عهد على نفسي لما أدخل بالإطلالة الأولى لازم أسجد وأشكر ربنا لإنه عوضني بحسن، هو أحسن واحد في الدنيا في عيوني”.
أوضحت ريم طارق أن معرفتها بحسن شاكوش تعود لسنوات ماضية بقولها: “إحنا جيران من وإحنا أطفال، وبعدها مشينا من المنطقة ومن 10 سنين ماشوفتوش، وسأل عليا وقال عايز يتجوزني”.
وتابعت: “حسن عندي حاجة كبيرة أوي، لعيب كورة وأشيك واحد في المنطقة، وعسول وكاريزما، وأنا واثقة فيه ثقة عمياء”.
